أحتاج لك .. !!
احتاج لك حاجة غريبٍ للاوطان
ضاعت حياته بين ديره وديره
اشتاق لك أحيان وأحيان وأحيان
والفكر يمك كل يومٍ أديره
ولهان أشوفك صدق ولهان ولهان
وأفز لا جابوا لك الناس سيره
أقوم واقعد والتفت واسهر أحزان
وجروح قلبي من غيابك خطيره
احبك بصمتي واحبك بالاعلان
وماهمني كثر الكلام وقصيره
أنت المهم وأنت الأهم وين ماكان
وأشياء لك في وسط قلبي كبيره
ياكثرهم حولي من فلان وفلان
وماغيرك اللي له عيوني سهيره
شافوك في عيني وحبك لهم بان
شافوك وماتوا بين حيره وغيره
غنيت لك أحلى كلامي والألحان
وغنيت لك شعري وغنيت غيره
من كثر ما احبك ترى الكل زعلان
هم كيفهم كلن يحكم ضميره
حبك في دمي باقيٍ كل الأزمان
كل ماذكرتك نبض قلبي يثيره
أنا حبيبك وأنت لي اصدق إنسان
بيني وبينك حب و أشياء كثيرة
