رديّة بين حمود بن وهقه و كامل البطحري
هذه الرديّة بين كامل البطحري وحمود بن وهقه ،، انفجرت بعد طول غياب دام شهران
حمود بن وهقه :
يا بن بطحـر الله ياخــذك كنت أحسبك ميت ..!
ولو مـا اتصــلت ،، إن كـان زهّـبـت مــرثـيّـة
غيـابك علي حـنظل وشـوفـتــك لي " شكليت "
وش أخـبارك ؟؟ وكــيفه خريف الشويمية ؟؟!!
كامل البطحري :
هلا بـالرفيــق اللي ،، لـفى لــي يـــــزفّ البيت
عـدد ما نبـــض قلبي // مــن أشــــواط إضافية
يا بن وهقه أثــــر الماي مــا يختلط بالزيت ..!!
وأنا ( هتلر ) الكااااااره لحقـد ( اليهـــودية ) !!
حمود بن وهقه :
يا كامل .. زعلت وقــمت تـصرخ وثـمٍ جيت
وعلاقتك مع جيش العــــــدو ميّـة الميــة ..!!
فـلا أنـت الشـجاع اللي يهدّم شموووخ حفيت
وقصـيدك عــلى مـا قــيل يـا طاق طاقية ..!!
تبي تضـوي الليــل العـتـيـم بشـــمووع وليت
أنا الشـمس وأنتـه روح دوّر لك الفـــــيّة ..!!
كامل البطحري :
مدامك بديـت ،، وسالفة " حقــدكم " بدّيــــت
ونحن ما علمنا شمــس في : كورة أرضيّة ..!!
ترا البيت في شعـــرك / أنا أقلبه لــ بويت ..!!
فلا تطــمــع بهـــزم .. الجــيوش ( الظفارية )
قصيــدي // عـن الرقّة ورخـو الحـكي عزّيت
ولا لي بغيـــر العــــزّ ،، والطــيــب قــافيّــــة
حمود بن وهقه :
عـ/ مهــلك تروّى يا رفـيـقي أنـا زلّيــــت ..!!
بغيت أختــبر صبرك عــــلى ،، ناري الحيّـة
شمالي / جنوبي .. قـلت حطّيت أو وطّيت ..!
مــ تفــــرق لو إن " النطق " متـباعـد شـويّـة
أنا وأنت جزلين القصـيد ،، ونـــرشّ فــليــت
نبيد .. الرخــوووم الزاحـفــة والهـــوائية ..!!
كامل البطحري :
أنا وأنت بدوٍ ،، ما ربينا عـــلى ( التنكـيت ) ..!!
ولا أظــن تاخــــذك .. الحيـااااااة الحضــــارية ؟!
ولكــنّ زيــن إنــــــك // إلى الــــذاكـــرة ردّيـــت
وعرفت إن شعــــري " عاااصفااااته " مدارية .!
يا بن وهقه اجعـــل " روميو " ياصل لـ/جوليـيت
بعـد مــا تســــمّم شـعــــر بأغــراض بيــئـية ..!!
حمود بن وهقه :
خذتني المدن عن نار صحرا وحجـــــزت سويت
وأبشــرب " كاباتشينو " وأكـل كـبــةٍ نــيّـــة ..!!
لكن الأصــل ثـابــــت ولــو للــ/ سيــتي سجّــيـت
لهجتي ،، وغــتـرة مـايــلة ،، فــوق قـحفـــيّة ..!!
يا كــامل / لـو إن الشـعـر قـيّــم " زيــاد نحيــت "
حشى ما تتوّج ..!! بس حـاجــات مـخـــــفيّة ..!!
كامل البطحري :
يا بن وهـقه ( إبن نحــيت) شــاعر قـــويّ الصيت
وشعر القضـــاااايااا حـــروفه .. تكــون عفويّة ..!
" قصــــيده " تحـلّ المشـكـــــلة ،، بين بيت وبيت
ولا شعـــــر دون أهداف بــــ/ فنــــون شعرية ..!!
أبختم قصـيــــدي مـع قصيدك بكلمـــة : ليــــــــت
ألاقيك في أحــضـــان ( جلســة جنـوبـيـــــة ) ..!!
صح لسااااااااانهم !!
