ء
لو ذبلتي
مثلك الأحساس يذبل !!
وتبتدي رحلة ضياعي
يا وداعي
ما لهذا الحزن داعي !!
وأنت مثل الهم واعي
تنتظر فرقا جديده
تنتظر آخر قصيده
هذي هي آخر قصيده ../ أقرها وأقرا ضياعي
وأقرا هذا الحزن فيني
ألمحه في وسط عيني
ياسنيني
ليه يوم أنّي طلبتك ماقبلتي
وأكثر الأشيا بزمنّا تقبل أنصاف الحلول !!
وعمر ماكان الفراق الحل !!
ليه حلّ ..؟؟؟
وأنتي عن عيني رحلتي
والفضا ضاق
وألفـــ / ضاق
وألفـــ / راق
الفــــ ..... ــــراق
آه ياشين الفراق !!
موت وأنفاس وسكوت !!
وعينٍ تناظر حزينه
دمعها غصب أمتحنها !!
ويدِّ تلوّح [ تعال ] دون صوت !!!
الفراق أحيان موت
وأكثر الأحيان موت !!
لحظه فيها كل لحظاتك تفوت
وفيها تسترجع حياتك
ذكرياتك
أمنياتك
وفجأه تصحى وأثرك ألحالك حزين
مامعك إلا ظلالك
من وفالك غير ظلّك ؟؟
حتى ظلّك ../ أنتبه يمكن يملّك !!!
ليه دايم
هذي الدنيا عجيبه !!
تترك اللي مانحبّه / وتاخذ اللي بس نحبّه !!!
وكلٍّ يدوّر حبيبه
ليه تهزمنا الظروف ؟؟
ليه نستسلم وننهي كل شي وكل حلم بلحظتين
ضعف وخوف
ولــ بعض نهدي ألمنا !!
وينتهي حلمٍ حلمنا !!
وأنتوادع .....
بلا وداع ............!!
أصعب وداع موادع الـروح للـروح
لحظه نبيع العمر فيهـا ونشريـه !!
لحظه بهـا نذبـل ولايذبـل البـوح
يبقى مثل طعم العتب والمشاريـه !!
لحظة ضياع وحزن ودموع وجـروح
لابـارك الله بالمـوادع وطاريـه !!
تبقـى تفاصيلـه ولايمكـن تـروح
مثل الأمـل لاطـال لازم نجاريـه !!
للحزن صوت وصوت الأحزان مبحوح
هذي مواويلـه وهـذي مواريـه !!
ماهو مثل حزن الحمامه على الـدوح
حزنٍ نمـوت ولاقدرنـا نداريـه !!
لَـ فلاح العماش
