وللي يبي فـرقاك وش لك بشوفه
وللي يبي فـرقاك وش لك بشوفه
مـالـي عـلـى حــب التمـلّـق حـسـوفـه
لا رخصت اهـداف الغـلا قـل شاريـه
النـفـس عـــن درب الـمـذلـه عـزوفــه
لو متْـت انـا عطشـان مـارد غداريـه
عــلامـــة الـــكـــذاب كـــثـــرة حــلــوفــه
كـــلٍ تــدلــك عــــن طـبـاعــه مــواريــه
الـخـط تـعـرف وجهـتـه مــن ظـروفــه
يبـيْـن مضمـونـه ولــو مـانـت قـاريــه
ومـن يهتـدي بسهـيـل يبـلـغ شفـوفـه
مـا ضـاع غيـر اللـي خفنّـه مساريـه
... وللـي يبـي فـرقـاك وش لــك بشـوفـه
ومـن عـاف ذكـرك لا تغنّـى بطـاريـه
ومن عاشر الطيـب يـذوق امعروفـه
لا جــاء ظــلام اللـيـل بـانـت قمـاريـه
ومن عاشر الخايب يذوق الحسوفه
الطـيـر يـعــرف مـــن طـيــورٍ تـبـاريـه
ولا مال ساس البيت طاحت سقوفه
والسيـل مـا تبنـى البـيـوت بمجـاريـه
وانــــا طـبـاعــي بـالـحـيــاة مـعــروفــه
نصـف الـرجـل مــا يسلبـنـي خـزاريـه
ولا احب مـن بـا الكـذب كبًـر ردوفـه
ومن به جرب ما يوم اقرّب محاريـه
احــب منـهـوا (خــص) مــولاه خـوفـه
ولا قـال رايـه بـا الــردي مــا يمـاريـه
