غياب..
كلما عديت شعري في السطور
خايلت زولك بين حرفي وكلمتي
وكلما حسيتك بوسط الحضور
شفتك خيال في زوايا قهوتي
في رمستي بين السهارى والسحور
في خلوتي ولا انت ليلي ونجمتي
ذاك الحبيب اللي رماني في البحور
غرقان اشكي الليل قلة حيلتي
حتى البراويز اللي شالتك بنور
صارت حطام وجرحتني خلوتي
حتى الحنين اللي نزفته بالصدور
والشوق فيني والغياب و ديرتي
ذكريات الليل والذكرى مرور
ياليتها مرت في لحظة سلوتي
مرت سنة بس في حسابي كالدهور
ياليل عجل في الخوالي خطوتي
عمري مضى بستان خالي م الزهور
كان الصبر عنوان قصة دمعتي
هذا نبضي ومنكم صرت معذور
والبوح سطر في المشاعر قصتي
بقلمي /ناصر الضامري
