ودك تشوف الشوق بعيووون الاحباب
ودك تـشـوف الـشـوق بعـيـون الاحـبــاب
تعـال شفنـي .. وش تشـوف بعيونـي !!
كـنـي غـريـب ٍ مجلـسـه بـيـن الاجـنــاب
عـنــك الـظــروف الـلــي تـحــدك حــدونـي !!
عـطـنـي كـلامــك لـيــه سـاكــت ومـرتـاب
شبـيـت نــاري لايـغّـرك سـكـونـي !!
عــديــت مــــن شــانــك ثـمـانـيـن مــرقــاب
حـتـى الهـمـوم الـلــي بقـلـبـي بـكـونـي !!
ونـثــرت دمـــع ٍ مـانـحـدر كـــود لـغـيـاب
وذكــرت نــاس ٍ مـــن غـلاهــم خـذونــي !!
وحـاولــت ابـفـتــح لـلـقــاء كــــل الابــــواب
بــس السنـيـن الـلـي مـضـت ماسعفـونـي !!
يـالـيـتـنــا كـــنــــا جمآآعآت .. وانـــســــاب
لـجــيــك لـــــو ان الـخــلايــق .. نـهــونــي !!
مجنـونـك الـلـي عـــن محـبـتـك مـــا تـــاب
لـبـطـيــت عــنـــي غـــيّـــر الـــهـــم لـــونـــي !!
الحب ماهو .. لحظة هيـام .. واعجـاب
حـبــك يـســاوي بالـمـسـاحـات .. كــونــي !!
بـعـض المحـبـه مالـهـا اوقــات واسـبــاب
وتـبـقـى عـلــى طـــول الـمــدى ماتـهـونـي !!
انــــا بــدونــك حـالــتــي هـــــم واعــصـــاب
بالله قـلــي كــيــف حــالــك .. بــدونــي !!
بينـي .. وبينـك لـو يجـي قطـع الارقــاب
مـاحـال غـيـر الـمـوت دونـــك .. ودونـــي !!
مشـيـت يـمـك اقـطــع اسـهــول وهـضــاب
ومـلــيــت دربـــــي .. واتـعـبـنــي ظـنــونــي !!
واقــول فــي نفـسـي وانــا مـنـك مـنـصـاب
وش عــاد لــو ان الحـبـايـب .... نـسـونـي !!
سكنـت فـي عينـي غــلا وســط الاهــداب
لـيــن المـحـاجـر مــــن مـكـانــك شـكـونــي !!
وان كــان عـنـدك بالضمـايـر لــي عـتـاب
امــــر عــلـــى روح ٍ عـشــانــك تـمــونــي !!
عــذرت قـلـب ٍ فــي سـمـاء حـبـكـم ذاب
لـو شفـت صــدك كـيـف يحـيـي شجـونـي !!
حـيّــرت فـــي حـبــك مـعــي كـــل الالـبــاب
انـت الهـوى كلـه .. ومصـدر جنونـي !!
نذر ٍ علىّ منساك .. لو مفرقـي شـاب
الا .. اذا .. ان .. العرب .. كفنوني !!
وان جيـت تسالنـي عـن قلـوب الاحـبـاب
خـبـيـت شـوقــي وافضـحـنـي .. عـيـونــي !!
