((((((((( آه ياليـــــــــــــــــــــــــــــــلٍ ))))))))
أتركيني شوي أطالع في عيونك
العيون الناعسة أموت فيها
ودّي أبحر صدق وأهيم بعيونك
لهفة العاشق لنظرة يحتريها
تصدّقين الكحل ماخلق لعيونك
أنتي عينك غير بسم الله عليها
ليت هاك الرمش مايتعب جفونك
والخدود الناعمة لاتجرحيها
آه ياليلٍ سرى غطّى متونك
إنحدر شلالها وأتعب يديها
شيلي الخصلة عسى ماتحول دونك
ودي أطالع بـ عين اللي أبيها
يامدلّع شوفني وإرفق بهونك
قدّر اللي يعشقك عاد إفهميها
والله إنّي صدق ماخيّب ظنونك
القلوب العاشقة أنتي تعرفيها
تصدّقين العمر مايحلى بدونك
منتهى أحلامي لزوم إلا أحتريها
إرحميني شوي من نظرة عيونك
ياعذاب الروح لاتقضي عليها
