عرض للطباعة
حبي أنا لذاتأرجو أن تتقبلوا مشاركتي الأولى
أنا ماجيت ياصاحب على أبوابك
نسيت إنك طرقت أبواب مقفولة
جزاي إني تخيرتك وغيرك كان يبغيني
وتهت اليوم في دربك
لقد كانت على الأعذار مبنيّه
هزيمة خالص النيه
بنيت أحلام ورديه
صحيح الحلم مايرقى إلى الواقع
ضعيف الحب كان الحب لي دافع
هوى من كان بعماقي
ويسكن خوف في قلبي من الآتي
أخاف إترد للأول معاناتي
ولا يبقى سوى حبي أنا لذاتي
الـذاكـرة المهــجورةبيـن القلم والدفــتر
سوالـــفي المستوره
مــع إنّهـا ما تُــنــشــر
لكّنـــــها محظـــــوره
أســرّها لـمن يـشعــر
وغـدي بـها مـأسـوره
خــواطــر(ن) لا أكــثر
لكــــن بـها مـســروره
تــركتها (ف) المهجــر
مـع نفسـي المكسوره
حتـــى الشعـور تغيّــر
يضــحك علــى مـأثوره
أنــــسـى ومـره أذكــر
مـا تــحتـويه الصــوره
والـبارحــه أسـتحــضر
في الـذاكره المهـجوره
وجــدت نفــسي أشعـر
رغــم إنـــني مـــنذوره
ســرّيتــها للــدّفــــتــر
رغـــم إنـــها منــشوره
في عقــلي المتــحجـر
صــبّ الــشعر نـافـوره
والفــاهم المتــحضّــر
خـلّـه يعـاني شـــعوره
فـي عمق البحـركم كـتبتك دون ما ينـذاع ســر
لا دريـت ولا درى غــيرك بأمره
رغـم إن السر ما يعطى لشـعر
لو خفى الآثار موجوده بشعره
كانت أدراجي سجون
والحياء للباب حارس
كانت أسراري شجون
والحلم من دون فارس
الشعور اللي تركني للخيال
علـق الآمـال بدراج الرياح
كلّـما تذري أمـل
قلت في الجايات خير
درةٍ مـا زلـت فــي عــمـــق البـحر
والبــحر ذا يتـعـب الغــواص دره
لحــظةٍ يمكــن تـســاوي لك عـــمر
والسنين أحيان ما تحسب بــعمره
من كتم سـرّه يـعيـش العــمر حـر
يــا كـثر مـن لـف ع جيــده بســره
في ضمـيــري كـل واحـد لـه قـدر
تـرفـع الأخـلاق من شــأنه وقـدره
والكريـم اللي وجـد لخـطاي عذر
دايمـاً راقـــي بإسلــوبـه وفـــكـره
يا عــيــونٍ مادعــت للــوقـت ســـر
بيـن بوحـي كان والكتمان شعــره
وانـتصر صبري وشكـــراً للـصّــبر
الدروس اللي مضت قد جات عـبره
ما بقى للـوقت مهـلهالجـروح اللي تنقّـضها الصدف
ما بـرت أصلاً ولا طـابت بعـد
لو نسيته
تكشف المستور عيـني
لو هجرته
باقـيٍ طـيفه يجــيني
تنثني عـهودي معه
قبل أنـسى أرجعـه
رغم جـرحه
كنت أقوى من جـراحه
رغم بـعده
كان قلبي له مساحه
نفترق ونعـود ثاني
واحدٍ فــينا أنـاني
ما رضى إلا نعود
كم تواعدنا وعدنا
نبغى ننسى وننسى بالآخر وعدنا
قلبي ياللي ما رضى ينسى وعصاني
جبت غيره قلب ثاني
ما سمع للشوق لو نادى علي
يمسح الذكرى القديمة
ما مع الماضي أمل
أحسب إفراقه صعب
كان ظن وصار في الواقع سهل
ونتـهىينا
والأصل ما كـان شي
من بغى الأحسن يشاور
مع شعوره يشوف عقله
كــان حــبك للـــعواذر
والمشاعــر فيك خجله
أعترف لك كنت أكـابر
ما عطيت الصبر مهـله
إنكشف خافي السواتر
كـانــت الأعمـاق ضحله
من يـشوفك قال وافر
لين بين صدق بـخـله
جاي تلعب ع المشاعر
تفتكر في اللعب سهله
كم وعدت وقلت حاضر
حاضرك ما حان أجله
مــن تستّــر بالعــواذر
ينكــشف زيفه وجهله
تستمي وتـقول شاعر
الشــعر أرجوك خـلـه
شلّ أشــعارك وسافـر
ما بقى للــوقت مهله