من سقوط الدمع جيتك اعاني
,,,,,,,,,,,,,ومن ضياع الوقت لحظه حزينه
***
ومن كلام الصمت خلف المحاني
,,,,,,,,,,,,ومن مكان الجرح تسمع ونينه
***
جيت من منفاك والعمر فاني
,,,,,,,,,,,,ومن عجاف الوقت عجك دفينه
***
من ردات الحظ دربي عصاني
,,,,,,,,,,,,,,وفي سموم القيض عدك فـ يدينه
***
جيت من شوق البحر للمواني
,,,,,,,,,,,,,جيت مدري وين مرسى السفينه
***
ومن لحون الجرح جات الاغاني
,,,,,,,,,,,,,,ومن سنين الهجر بيح كنينه
***
من غلاتك مانسيت المكاني
,,,,,,,,,,,,,,, اللي مع ليل الغلا ساهرينه
***
من وداد الشوق قلبي حداني
,,,,,,,,,,,,,,وصرت انا مابين شوق وحنينه
***
من سنيني باح سدي زماني
,,,,,,,,,,,,ماشكيت ولا شكى من سنينه
***
خانت العبره ودمعي بكاني
,,,,,,,,,,,,,يلعنك بعدن تذل عاشقينه
***
صحت للذكري وصوتك دعاني
,,,,,,,,,,,,,,وهلت اطيوفك بحزن المدينه
***
ادري بفراقك تضيق المواني
,,,,,,,,,,,,,,والبحر مل اغتراب السفينه
