موضوع للنقاش مهم جدا

[مجنونك ما يخونك]

مراحب اخواني وخواتي

مرحبا جبت هالموضوع هالايام وايد اشوف هالايام اريد اعرف الحين الشباب شو سالفتهم وبعدين معاهم اريد اعرف في سالفة
الزواج ليش الولد يجول انا ما اجدر اخذ بنت من برا العائلة وامي ابوي يبوني حج بنت خالي بنت خالتي بنت عمي بنت عمتي
ابي اعرف الولد ماله كلمة في سالفة الزواج يعني كل بس امي وابوي نحن نحترم اهتمام الوالدين وخوفهم ع ولدهم في اختيار
شريكة حياته لكن الولد هو يلي يتزوج البنت مو الوالدين وفعلا في امهات واباء كذا يضغطو على الولد بزواج من عائلة لكن اهم
بعد الولد يجدر يتفاهم ويه اهله في هالموضوع ما يجي يحب بنات الناس ويشبع ويجي يجول انا ما اجدر اتزوجج امي وابوي
في هالشي اذا كلامة صج ف صراحة الولد ماله شخصية ابدا ما اعتبره رجال حرام تعلق بنات الناس كذا وانت عارف من الاساس
هاي عادات وتقاليد ليش تخرب حياة بنات الناس. واذا الولد اصلا بالاساس كذاب وعيار هو ما يبي يتزوج البنت كان يلعب يجول
ما نجدر نتزوج من برا كل من الاهل وامي ما راضيه وابوي ما راضي واخر شي بالنهاية يتزوج من برا ليش ابي اعرف ليش
حرام والله الاحظ هالشي وايد هالايام مو زين بنات الناس مو لعبة وشي الثاني وشخصيتك وين تضحيتك وحبك حج البنت يلي
تحبها تحترم قرار اهلك عمرك فكرت في البنت يلي خربت حياتها لا طبعاا بتتزوج واتعيش حياتك وانت مرتاح ولا عندك خبر
خافوا ربكم عندكم خوات ترضون عليهم لا طبعا... بس عندي نقطتين ابي اجولهم


** اولا الولد يلي يجول ما اجدر ازعل امي وابوي اتزوج بدون راضهم عشان ما اتهنى في حياتي ابي اجوله لو اهلك يحبوك ما يغصبوك
على بنت ما تبيه وشي الثاني الاهل ما زين يتدخلوا في حياة ولدهم شخصية في 3 اشياء الشغل يلي هو يختاره و هوايته و الزواج ..

** ثانيا الولد يلي يحب البنت يضحي ويحاول ويه اهله مره ومرتين ومليون اذا يباها حتى ولو كلف له حياته او سنين اما الولد يبي يفتك
يطلع علل هذا ما اعتبره رجال ...



مجنوووووونك

[مائة بيسة]

لايوجد حب خارج اطار الزواج اللي يحب شخص يدل درب بيتهم اما ماعدا هذا فكله كــذب

[مجنونك ما يخونك]

لايوجد حب خارج اطار الزواج اللي يحب شخص يدل درب بيتهم اما ماعدا هذا فكله كــذب

كلامك صح بس في ناس ما تفهم ولا شي حرام ليش كذا دامك ولد ماما ليش اتسوي في بنات الناس كذا ماسك امي وابوي انت يلي بتتزوجها لا امك ولا ابوك

[مائة بيسة]

كلامك صح بس في ناس ما تفهم ولا شي حرام ليش كذا دامك ولد ماما ليش اتسوي في بنات الناس كذا ماسك امي وابوي انت يلي بتتزوجها لا امك ولا ابوك

ههههه كلامك واقعي غاليتي...بس هاتصرف الجبان ويمكن هو بروحه مو متمسك فيها

[أوراق ناعمة]

وهيه حال موة تسير تحب نوبا يمكن حيانها ما يوافقوا عليه موة عاد يفيدها وا نوبا تسير تتزوجه بالمحاكم وتكسر شور حيانها وكلمتها عشان حبيب القلب !!!!
الله يهديكم بس ويبعد عنكم حب ما قبل زواج سمعوا مصايبه اكثر عن نجاحه
وسلامتكم اعرف ما ايعجبكم كلامي بس هذا اللي عندى

[نـــــــقــــــــاء]

هذا الي يحب وحدة وبعدين يقول امي وأبوي هذا ما حب حب حقيقي مع أنه في هذا الزمان الرأي راي البنت والولد والأم والأب ما يعارضوا ف أغلب الأحيان .

[أكتفي بذاتي]

السلام عليكم .

في حُب واقعي وفي عن طريق الانترنت .
إذا عن طريق النت ف ملاييين أمثالهم ، يلعبون ع البنات والبنت مسكينة مصدقه.
- أتمنى البنات يصيرن واعيات أكثر يعني كيف تبني علاقة مع شخص م شايفتنه ولا تعرف أخلاقه ولا تعرف من أهله وووو الخ #لن_يتزوجكي.
- واللي يلعب على بنات الناس بدور فيه الزمن سواء في خواته أو بناته
- وما بُني على خطأ فهو خطأ أساساً . إذا كان يحبها صدق يقدر يكلم أهلها من البداية بدون مراسلات وذيك الخرابيط .


- وبس هذا رأيي المتواضع وشُكراً .