مو كل من قال احبك يحبك

[صدى صوت]

موكل من قال أحبك يحبك

هو كل مسلم في زمنـــا يصلي

في هالزمن ياصاحبي عيش دنيـــاك

لا لا تحاول تفهم اللي حواليك

فكر بشخص طول هالعمر يفداك

واترك بقايا حكي ما اظن يعنيك

تكشف لك الإيـــام من كان يهواك

ومن هو يمثل دور إنسان يغليك

ناس نسوك وناس ناسين نسياك

وناس تناسوا ناس ناسين ناسيك

وناس روؤس اموالهم بس طرياك

وناس يشوفون الفقر في طواريك

وناس ليــــا شافوا الزعل في محياك

تسابقوا من فيهم اللي يراضيك

وناس لو انك تنحرق فيك بلوآآك

خلوك وحدك تنحرق في بلآويك

صعبه تلاقي فالبشر بعد فرقاك

من يذكرك بالخير لا حل طاريك

ماكل من حاكاك بالصدق حآكاك

حتى المنافق لو تركته يحاكيك

وما كل من خآواك بالطيب خآواك

حتى النذل لوجات فرصه يخاويك

خل النباهه عند هالناس مبداك

والصد عنهم خله أسمى مباديك

أعطاك ربي من تفاصيل ماأعطاك

عقل وتحكم من من الناس شاريك

ماتوقف الدنيا على شخص جافاك

حاول تطنش وابتعد عن مجافيك

أنت الوحيد اللي أبد ما تناساك

وانت القريب واعتبر راحتي فيك

شفت الحروف اللي به الكون ويآااك

ما أظن تقدر بالمدايح توفيك

وطول النجوم اللي ضوت بعد طرياك

ماأظن تضوي لو تناسيت طاريك

أنت الغرام المرتسم في حناياك

يجذب عقول هايمه في معانيــك

لولا إلهي ثم بعدين لولاك

ماكان للأحساس طاري وتشكيك

ياصاحبي في هالزمن عيش دنياك

وأحكم بعقلك من من الناس يغليك ....

بن فطيس

[أميرة الروح]

نص جميل جدا
راق لي
يعطيك العافية عالانتقاء
دمت مميز دوماً
بارك الله فيك

(يستحق ان يتوج بالنجوم)

[نورمان]

تكشف لك الإيـــام من كان يهواك

ومن هو يمثل دور إنسان يغليك


كلمات صادقه وجميله تحمل من الحكم والنصح الكثير

راقت لي جدا

[رايق البال]

هلا صدى ..
نص واختيار ولا اروع واجمل
الف شكر لتفاعلك الجميل وجهدك المميز
طابت مساءاتك ..

[ابوقيس99]

ماعليه غبار بن فطيس
تسلم ابو سالم اختيار جميل

[شيبة الباطنه]

الله الله عليك يا صدى صوت تلك الكلمات الرنانه رددت قراتها بسبب عذوبتها
دمت بود تسلم على هذا الاختيار العذب

[نوارة الكون]

انتقاء جميل وتواجد اجمل

دمت في حفظ الرحمن