النفاق الاجتماعي

[عبدالعزيز الفلاسي]

السلام عليكم ورحمة الله وبركاته


موضوعي باين من عنوانه وانا اتكلم عن اعضاء في السبله مش شي عام
للاسف .. مدري ليش شو المغزى انه ينافقون على بعض
محد مجبور ع احد ولكن هم للاسف يدورون متى يدش فلان عسب نسوي انا نحن نبيه ونحبه ونبي ناخذ علومه
ولكن هم نيتهم اوين يبينون للاعضاء الثانيين انه هالعضو حادر هني يمدح روحه ...
ليش هالتفكير يعني ودامكم تقولون يمدح روحه اوكي لنفسه انتم ليش تسون فيها تحبونه وتبون علومه
ماهو ساكت بروحكم تسالونه اساله والمسكين يجاوب بحسن نيه وف صوب ثاني انتم وراه ويا بعضكم " شفتوا كيف يتمدح "!!
واذا فلان عايش ومرتاح يروم يسافر يملك اغلى سياره ويملك غيره وغيررره لازم يعني يكون هو يكذب بس جي يبا يمدح روحه !!
اذا انت امورك الماديه ما تسمح لك مش كل العالم شرواك في ناس مترفهين ... مب اللي مرتاح وعنده يكون كذاب ويتمدح !

اللي ف قلوبكم خلوه ع لسانكم ماله داعي النفاق ترا كل هالرمسه ما تهم الشخص المعني ولكن انا اكتب هالموضوع كنصيحه
لكم ... المنافقون في الدرك الاسفل من جهنم يعني في الهاويه وانتم تنافقون ع مواضيع تافهه ومب سويانه
وفوق انكم تنافقون بعدكم تغتابون هالشخص ف نفس الدقيقه اللي يالسين تنافقون وياه في جهه ثانيه ترمسون عنه من وراه ..
مب ناقصين ذنوب ع الاقل الامور اللي مب سويانه ودرونهاا ... الله يهديني ويهديكم

واخيراً انا هالموضوع اخصبه ناس يعني مب الكل طبعا ولكن افضل تكون نصيحه تعم الكل وراعي المعنى يستعنى...

[بنت الغالي ومابالي]

خيوووو شكلك متفاعل هههه
لا ايوووه صح كلامك المفروض يقوله الشخص بوجه مافيه داعي لنفاق

[عبدالعزيز الفلاسي]

خيوووو شكلك متفاعل هههه
لا ايوووه صح كلامك المفروض يقوله الشخص بوجه مافيه داعي لنفاق

مشكلة التهاون في المعاصي وبتفاعل لاني اشوف النفاق والغيبه والنميميه استوت شي عادي
ولا حتى احد يخاف انه يسويه ويتفاخرون فيه ... الله يسترنا بس وين بنوصل بجي امه

[بنت الغالي ومابالي]

بس يعني اكيد في حلووول لهذي المشكله
بس وين
هم على كثر هذي النصايح والمواعض مايعتبرون
شنوو الشي يلي يخليهم يبطلووو كل هذا

[عبدالعزيز الفلاسي]

بس يعني اكيد في حلووول لهذي المشكله
بس وين
هم على كثر هذي النصايح والمواعض مايعتبرون
شنوو الشي يلي يخليهم يبطلووو كل هذا

اللي علينا نقدم النصيحه
وما اتوقع ف السبله شي يهال مب فاهمين
واللي ما يراقب نفسه ويحس بمراقبة الله حقه وايد بيسوي

[fawaz_a]

صباح الخير اخي
الابتعاد خير علاج
وربي يحفظك ويبعد عنك السوء

[عبدالعزيز الفلاسي]

صباح الخير اخي
الابتعاد خير علاج
وربي يحفظك ويبعد عنك السوء

لو عليه انا ما يهموني وطبعي اللي اييني منه علوم مب طيبه
احشم روحي عنه ... لكن هي مجرد نصيحه حبيت انبه الاعضاء انه هالشي مب زين

[fawaz_a]

لو عليه انا ما يهموني وطبعي اللي اييني منه علوم مب طيبه
احشم روحي عنه ... لكن هي مجرد نصيحه حبيت انبه الاعضاء انه هالشي مب زين

جزاك الله الف خير
مجرد نصيحة والهداية من رب العالمين

[بنت الغالي ومابالي]

الله يهدي الجميع

[صمت الشفاه]

ثق بنفسك واترك الباقي لهم
وهذا حال البعض هنا للاسف اقصد هناك