مــعـــذور يـاقــلــب تـهـمـجــت هـــمـــاج
مــرن على كــاسات الصـبـابـات مــمــزوج
مــادام لــك فــي منـهـج الــود مـنـهـاج
لابـــد مـاتـدلـج عــلــي عــالــي الــمــوج
وتـسـري بلـيـل مـابـدا ضــو واســـراج
للناعـس اللـي حـاوي الـزيـن مغـنـوج
فـي مهمهـن ماسـج بــه قـبـلى ولاداج
الا شغوفن مـن عنـا الشـوق مسهـوج
فــي مـنـزل مـاكــان فـــي بـيــر هـــداج
تسـري عليـه الـجـن فــوج ورا فــوج
وتصر به لـا عسعـس الـداج بالـداج
نيـبـانـهـن يـاصـاحـبــي كـلــهــن عـــــوج
فـي سرحـة دغمـاء كمـا طائـر الغـاج
محيانـهـا مــن لـغـوة الـجــن مـرجوج
حاولت به مخراج لاحيـن مخـراج
الا كـمـا يـخـرج مــن الـســاق دمـلــوج
يارج قـلـبـي رجـــت الـصــاج لـلـصــاج
منهو يلوم اللي من الشوق مزعوج
مشتاق انا والشوق سبب لي ازعاج
يابو عيـون ادعـاج والسـاق مدمـوج
وبيض الثنايا يشبهـن صافـي العـاج
وعذب الشفايا فيهن الشهد ممزوج
وخد كما البلور فـي ملمـس الديبـاج
مـاجـاه مـكـيـاج ولا الـشــف بـــه روج
هذاك خلي لي له القلب محتااااج
اسج في وده اناااااا دوم. وادوووج
المشاركة الأصلية كتبت بواسطة صدى صوت
