يسعد صباحكم / مساكم
هلا بالجميع ...
لقاء متجدد يجمعنا احبتي واتمنى ماراق لي يروق لكم ...
من سنه وأكثر وانا عايش على رجوى | لقاك |
من سنه والبرد ينهش في ضلوعـي مادريـت
كلّ ماناديت وينـك صّدنـي عنّـك قسـاك
يا أرقّ انسان قاسي / كيف في حقـي قسيـت
من كثر صدمة عيوني فـي تغلّيـك وجفـاك !
كنت أشكّ انك حبيبي ذاك يـوم انـي سعيـت
كيـف قلبـك طاوعـك تتـرك مبانينـا وراك
كيـف كفّينـك تدمّـر مـا بكفّينـك بنـيـت ؟
كيف كيف وألف كيف صاحت بوجهك : وراك ؟
هو خطاي اني منحتك / أو خطاي اني وفيت ؟
كنت لك حضن(ن) يدفّيك ويصـارع لـك عنـاك
صرت لي منفى تشّربني عنادك / وارتويـت
كنت لك صبح(ن) تسلّف نسمته من عطـر فـاك
صرت لي ليل يكسّرني / ويبني ألف بيـت
كنت لك بستان عطّـر راحتينـك واحتـواك
صرت لي نار(ن) تحـرّق راحتينـي / وارتميـت
أجمع الذكرى / شظايا ، وآتخيلني معـاك
وأتخيلني فحضنك من قسـى بـردي لقيـت !
حضن دفّاني وشتّت برد خضته في هـواك
حضن جمّعني وبعثر حزن عارم / واهتنيـت
يادفى هالكون / ياكون الدفـى مـاذا دهـاك ؟
بسألك وأرجوك جاوب في بعـادك وش جنيـت
جيت لك والبرد قارس وانت مستكثـر دفـاك
إما يدفيني وصالـك وإلاّ جعلـي مادفيـت !
اخوكم / رايق البال
رد مع اقتباس
المشاركة الأصلية كتبت بواسطة حبي خالص
