'
آخر ليله ..
عشت الدنيا بالمقلوب !!
وشفت الناس بدون ذنوب !!
وشفت شعوب تحب شعوب !!
وشفت قلوب ..
أصدق .. من شعري بغيابك !!
وأطهر .. من دمعات عتابك !!
وأكذب من شكوى المتعوب !!
آخر ليله ..
كانت فرقى ..
وأصحاب بغيبتهم غرقى ..
وكنتي غير ..
كنتي .. أزهار ونوير
كنتي .. عش وشوقي طير ..
كان الكون بأسره شر
وكنتي وحدك فيه الخير !!
فــآخر ليله ..
غيبة وصلك ..
باقي من ذكراها نصلك ..
في قلب من شدّة حزنه
لو طاريّك مر بقلبه ..
يحضنه بشوق ويرقصلك !!
آخر ليله ..
بانسى عتابي ..
وأنسى أصحابي ..
وأذكر واحد من غيّابي ..
دام الليله آخر ليله ..
عن ليل غيابه باحكيله ..
آخر ليله ..
فيها كان الشعر بصدري وجهه شاحب ..
وفيها كان غيابك راحب ..
وفيها كان الناي الصّاحب ..
وكنتي غير ..
كنتي أزهار ونوير ..
وكنا غير ..
كنتي عش ووقي طير ..
وكان الكون بأسره شر .. وكنتي وحدك فيه الخير ..
وكانت غير ..
كانت غير ..
تعب كلٍ على ليلاه غنى وصل.. يا ليلاي
وانا غنيتك فـ بالي غياب وكنت منزاهي
توهمتك معي.. مدري توهمت المشاعر ناي
وغنيتك.. اغاني وصل ما تطربني الا.. هي
اجر الصوت طربان واسمعهم وجع مغناي
واسمعهم صدى صفق الضلوع بصدري الواهي
ابهديها لهذا اللي يشوف الصدق في معناي
تغنوا في منافيهم وانا عن سمعهم لاهي
منافيهم.. منى فيهم ولكن البلا منفاي
زمان ذل رجاله وعز الخبل.. والفاهي
يقولون الوفا للكلب عاده بس انا لي راي
يقول ان الوفا شيمة خوي بالوفا زاهي
وصلتك يالطريق حفظني من كثر مسراي
احس بفرحتك فيني واحسك حيل متباهي
واحس انك تبي تمشي معي فيك وتعرف اقصاي
ويا ليتك عرفت اقصاك وصل لطرفها الساهي
توحشت القصيد وجيت ادرج بالطريق اخطاي
مدام ان الشعر بحر تراني مده الراهي
وربي ما حسبت حساب الا شاعر شرواي
'لأني مو شبيه احد ولكن واجد اشباهي'
مشعل الدهيم.
رد مع اقتباس