ما قلت الا الي اشوفهالمشاركة الأصلية كتبت بواسطة روانـــــووو
⚘
الله يسعد أيامك حناااايا الروح مثل ما أسعدتيني بكلامك لحظة لحظة بس بسوي نفسي متعودة على هالكلام
يا الله كيف فرحتيني وعطيتيني نفحة إيجابية ربي يسعدك ويوفقك ويحقق لك كل أمانيك
ياريت بس لو ما كنت ِ متابعة المدونة من البداية ههههه لإن الصراحة يبين الأسلوب إنه ما ذاك الزود وع فكرة قبل لا توقف السبلة أيام الخلل رحت أعدل بعض المشاركات في المدونة أحذف اللي ما يعجبني من المشاركات بس بعدين إتصلحت السبلة ورجعت مدونتي مثل ما كانت ورجعن المحذوفات !! وكنت راجعة بحذفهم مرة ثانية بعدين قلت ليش ماله داعي هذا أسلوبي في ذاك الوقت وراضية فيه حتى لو حد بيضحك عليّ عادي أصلاً أحب أرسم الإبتسامة على وجوه الآخرين
إتذكرت نفسي لما كنت بالصف السادس كان عندي حساب بتويتر وكنت أدخله على فترات متباعدة يعني ع الشهرين مرة أو على 3 أشهر أحياناً ع حسب توافر النت والتيلفون لإنه ما عندي تيلفونات في هذاك الوقت وأتم أغرد وأغرد كانت سنة 2010 ورجعت بصف العاشر أقرا تغريداتي القديمة متتت من الضحك يا الله كيف كنت أشارك بالهاشتاقات والأسلوب ميت لولا الفشيلة كان بصور الشاشة وبسدحها هنا بصراحة كلامي كان غريب لا عاد لو أخبركم عن الأشعار اللي أكتبها يا ويلي ويلاااااه كنت مسوية نفسي شاعرة الله لا رواكم ذاك الشعر
المشكلة خايفة بعد خمس سنين أرجع أقرأ هذه المشاركة وأتندم عليها الله يستر ☹
بس لو تنسوه ميران شوية كان زين هههه أنا ليش مغيره معرفي هااااه ؟؟ لما كنت ميران الكل يقول لي وش يعني كنت أحاول أسوي معرف قريب من إسمي وبصراحة طلع أكشخ منه بس بعدين قلت في نفسي ليش ما أخلي إسمي الحقيقي لإنه بتويتر و الإنستقرام نخلي أسماءنا الحقيقية والمنتدى ما يفرق عنهم في هذه النقطة ~
رايكم بالكشخة لا لا الصورة ما من النت هذه تصاميم مروان السعدي
http://omaniaa.co/showthread.php?t=103757&page=2
الريال فاتح موضوع مصمم إسمه عاد أنا رديت بطريقة أنه يعني أبا نفس هذا التصميم
ولله الحمد يوم فهم التلميح ههههه رسلت له ع الخاص ع أساس تعديل الإسم لإنه RWANA كان وهوه RAWAN المهم دامه مُصر على إنه يحط حرف A بالنهاية ما مشكلة تسلم إيديه صراحة الخط جداً جميل أنا طبعاً أعرف إستخدم برامج بسيطة شفت طرق من اليوتيوب وتعلمت أصمم صور متحركة وهنا في السبلة عاجبتهم ع فكرة وصلتني 4 مسجات ع الخاص يبوني أصمم لهم والله لو عرفوا الطريقة اللي إستخدمها هههههههههههه بس ما بخبركم عليها لإنها جداً بدائية هع هع عاااادي المهم النتيجة حليوة
شوف التميييييلح إنته هع هع
هذا عزوز أكبر من عبدالله عاقل يساعدنا في تنظيف المواعين هههه ألحين الشغالة الإثيوبية مسافرة لا ومدتها ما منتهية بعد والبيت وقت الغبار حدث ولا حرج واصل في الصالة نعم رحنا ننظف أنا وأمي والصغار يا الله كيف تعب خصوصاً إنه الشمس ساطعة بس عادي هانت أمي راحت تتطبخ الغدا وشغل التنظيف عليّ واختي التي تصغرني بسنتين ههههه
المهم من نقوله تصوير سوا هالحركة ألف مرة قلنا له الاولاد ما يصوروا كذا إرخي إيديك عادي بس الظاهر إنه يقلد بعض الناس الله يستر
هذا الجوتي الهدف من شراءه لبسه أيام دوام الفصل الثاني ههههه مع العباية !! ما إتخيل الشكل
في البداية لما رحت الدوام أعاين على البنات إنهم يلبسوا هذا النوع من الجواتي وللأمانة عجبني بس الشلة اللي أمشي معاهن يقولن ما حلو بس لما جربته طلع طر ليش لإنه العباية ما من المفترض يكون طولها مثل ما تبلسي كعب لازم تكون أقصر شوية وهذا الجوتي لو لبستيه الريول ما راح تبين ..!! وإذا رحنا على الشكل ممكن تلبسي كعب إذا كان دوامك خفيف وتلبسي هالنوع ما لازم وردي ههههه حتى لو أسود مخطط بالأطراف أبيض بعد حلو بس أنا أحب هذه الانواع أحسها أكشخ المهم التنويع مطلوب يعني ما تروحي تلبسي كله كعب كعب كعب وتأذين أصابع ريولك يا الله كيف أكره الجواتي الكعب اللي من جدام صوب الأصابع مفتوحات هذيلا مؤذيات وغير مريحات ولا تلبسي كله سبورتات عادي مرة كذا ومرة كذاك
يا الله أصبحت مُنهَكة من شدة التقريرة
انت ماشاء الله مجتهدة ..مثل الوردة بكل ركن وبكل زاوية لك نفحة طيبة واثر
وبخصوص التعديل والحذف لا تغيري اي شي نحن نكبر وننضج وواكيد تكبر افكارنا
وهذا شي ما يعيب بالعكس شي طيب نشوف وين كنا ووين صرنا
وبخصوص هالامور ما شاء الله عليه لو بيتنا كان غنوزه طايحات من العض والتصفيع(وحشية الله وكيلك ههه)
ربي يحفظه ويحميه
والشوز زين عجبني بس الشوزات الي يجي فيهن اكسسوار استكاودهن صراحة
نصهن يطبقن بالعبايا ويخربنهن بس الحلو فيه انه مريح وزين للحواطة والمشي
رد مع اقتباس