المشهد 21

نعيمه تدخل على سالم الغرفه، ومعها المدخان جايته تبخر زوجها، فرحانه لانه سالم قايلها معزوم نع حد من اصحابه، وتقول في بالها انه سالم ممكن يفرح عن نفسه مع اصحابه ويرتاح، وجايه تبخره وتعطره حال يكون كاشخ بين اصحابه.


سالم كان يشوف على نعيمه وهيه تبخره وتعطره، وكان ما ينطق ولا يبتسم، فقط في باله انه ايش بيسوي في المصيبه اللي هلى نفسه فيها، وكيف بيطلق هالفقيره اللي قدام عينه ومحافظه عليه وعلى بيته واولاده.


نعيمه: يالله حلاتك حبيبي طالع قمر، والبخور يفوح منك.

سالم: شكراً ( يقولها والبال مشغول بمصيبته)

نعيمه: سالم اذا حابولكم حلويات غاويه صور لي عشان اسأل كيف يسويوهن تعرفني مجنونه ف الحلويات.

سالم: انا وين وانتي وين... خلصي خلصي عن تحرقيلي دشداشتي اعرفك دفشه.

نعيمه بضحكه: تذكر اول ما تزوجنا يوم حرقتلك دشداشتك وانا ابخرك.

سالم: هيه هيه اذكر،، يالله بروح

نعيمه: بشتاقلك تعال بسرعه.