-









السموحه اذا عجزت أوفي : قصيدي
حتى روحي لوعطيتك ما ... وفيتك

لو عطيتك [ كل ما أملك وازيدي ]
أبقى لك ... مديون مهما \ هديتك

 امي الغالية : انت دمي ف وريدي
امي انت : عيني يا بعد روحي بغيتك

الله لا , يحرمني تناديني ( وليدي )
ولا حرمني ... مسحت يمينك \ فديتك

عسى ... بطول العمر دومه : مديدي
و انتي : [ كل عام مرتاحة ياليتك ]

من خاطري والله لو .. كان بيدي ..
اشم أثر قدمك ... ساعة \ لقيتك !!

بالله ... لي الشرف " امي اكيدي "
وطول عمري الله يعلم ... ما [نسيتك ]

[..ضحكتك ورضاك ذاك يوم عيدي..]
تسوى الدنيا ومن فيها لو : ( رضيتك ) !!