((((((( تعبت مْن السّهَر .. بانام ))))))

[نسر البوادي]

دخيلك .. غمِّض عْيوني .. تعبت مْن السّهَر .. بانام
حرام تعذِّبْ احساسي وتحرق بالغلا دمّي .

كفايه !! .. ذابَتْ ضْلوعي .. كفايه !! صار لي أيام

أحس البرد من كِثْر ارتعاشي مَلّ من ضَمّي .


حرام اللي تسوِّي بي وانا المملي عشق وِهْيام
أخاف تْطِيْح دمعة قَهر يخْجَل مِنّها كمّي .



. أحبّك .. وش تبي أكثر ؟! حبَسْت بْصدري الأنسام
أحبّك من وانا طفل ٍ ينادي لى بكى : أمّي !! .



. غريبه !! .. صَعْب تِتخَيّلْ غلاك تْقول لي : أوهام!!
أحبّك ؟! أدري وْكَنّك تقول اشْلون ؟! يا عَمّي !! .



أحس إنّا تلاقينا قبل ما نلتقي باعوام
أو إنّك حِلْم عِشْتهْ في الخيال وصار من قَسْمي .



رسَمْتِك في جِدَار الشوق لوّنتك بدون أقلام
تخيّلتك فَرَح يفرض حروف اسمك على فَمّي .



وناديتك وشِفْتِك تِبْتِسِمْ واغتاظت الأحلام
وفَزْ طيفك يسابِق لهفة لقانا وجَلَس يَمّي .



نسولِف عنّك .. وننطِر يمرّ العام بَعْد العام
نغَنّي : ياقلوب العاشقين الغضّه ألتمّي .



وجيت فْ موعدك جايب فَرَحْ قلبٍ بحِسْنِك هام
وْوَدَّعْت بْعِيونك يا عيوني حِزْني وْهَمّي .



عَرفْت اش كثر أحبَك ليه أحبّك ؟! كيف حِبّك دام ؟!
لأنّك جيت يااغْلاهم تقول لْفَرحتي تِمّي .



. دخيلك غَمّض عيوني تعِبْت مْن السهر بانام
عَشَاني لا تعَذِّب خافقي أحْرَقْت لي دَمّي .

[ندى الوورد]

نص جميل أخي
كلك ذوق

[حبي خالص]

الله عليك أخي
ابداااااااااااااع متواصل
يعطيك الله العافيه

" نص يستحق النجوم الخمس "

[نسر البوادي]

ندى الورد تسلمين اختي مرورك العطر اسعدني وكلك ذوووق

[نسر البوادي]

تسلمين اختي حبي خالص مرورك الراقي اسعدني وشكرا
لتزيينك الصفحه بالنجوم الخمي مرور لا عدمناه
يعطيك الف عافيه ياذووووق

[مجنونك ما يخونك]

[الشيخه الفلانيه]

قصيده جميله

كُل آلششكرْ عَ آلأنتِقآء

يعطيكِ آلله آلععآفيهً !

[الــنور]

اختيار مميز
اسعدك الرحمن

[رايق البال]

هلا فيك نسر ..
لا جديد عليك هذا التألق الدائم والمستمر
الف شكر لجهدك واختيارك وتفاعلك الجميل
طابت مساءاتك ..

[نسر البوادي]

مجنونك تسلمين اختي مرورك الرائع اسعدني