ويش الورد

[هجرس الروح]

يقول من حده زمانه على أقصاه
بين خفا نفسه وباح السريره

هاجوس يجيبه وهاجوس وداه
ولازل هاجوس تقفاه غيره

يطول ليله جالس فوق مركاه
ولاهب نسناس الهبايب يثيره

كله من اللي وش حياتي بلياه
اللي مصيري مرتبط مع مصيره

إن كان ربي كاتبٍ لي ملاقاه
عقب الظما يطيب صافي غديره

وإليا تردى الحظ شكواي لله
ينحاس تفكيري وتعمى البصيره

العمر من دون أتلع الجيد ما أبغاه
والورد ويش الورد لولا عبيره

فيه الوصايف كامله واحلالاه
حشمه وحسن اخلاق مع طيب سيره

راعي جديل كنه الليل يغشاه
يلعب مع النسناس ناعم حريره

والعين عين اللي تعلى بمرقاه
حر يهوم النايفات العسيره

يفز قلبي كل ما أسمع بطرياه
فزة فرس تركي نهار المغيره

ما غيره بيمه ولا هو بوياه
هذا قليلٍ يا عرب من كثيره

أقولها للكل مابه مداراه
الثقل أميره والحسن هو أميره

[أميرة الروح]

كل الشكر عالطرح
بارك الله فيك

[نسر البوادي]

هجرس تسلم طرح رائع كلك ذوووق اخي