رد مع اقتباسهلا فيك الشيخه ..
دمتي نبراسا ومنهلا للإختيار الراقي والمفرده العذبه
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)
_
؛
بعض ابياته :
1)
ما بالحنايا : قلب
ياصدري الشفاف !
في هالزمان الحب
كله رهين : خلاف !
اللي يخاف : يحب
واللي يحب يخاف !
2 )
وش ذنب قلبي بالحنين ؟
إذا : ربى فيه ... وكبر !
كان اللقى : رهن اليدين ،
وصرنا انتلاقا .. بالصور !
3)
وينك عن الأشواق ؟
مر الوصل … مره !
وتلومني ، لا ضاق ،
صدري من الحره !
دايم وأنا المشتاق ،
إشتاق لي : مررره !
4)
يا قلبي اللي كل ما قل الايمان ت
ضيق فيك الارض واقول خيره !
ضميرك إليا أنبّك فـ أنت الانسان
بلاك فاللي ما تحرك : ضميره !
5)
( عزيزتي ) حنا وصلنا : للجدال ،
واللي بيرحل ما يجي لامن رحل !
إن ما اعتبرتيني بقربك راس مال ،
ما عاد للحب : اعتبار ولا : محل !
6)
كأن عمري كل ما شفتك يطول
قولي لي منهو شاعري وأقول أنا !
حتى الطريق اللي تمرينه يقول :
أجمل نساء الأرض مرت من هنا !
7)
لا سولف بحزنه ياليت إنك معه ،
وتشوف وشلون إبتسامات الكسير !
حبيت من بعده .. ثلاثه وأربعه ،
ونسيت : من يذكرك بالثلث الأخير !
8)
لو ما سرق كحلك الساكن ،
مضنون قلبك .. من عيونك !
ما مات ناقص عمر .. لكن ،
بيعيش ناقص عمر .. دونك !
9)
ضميري الحي فالتأنيب يذبحني ..
محتاج نفسي ، اقابلها واصارحها !
على كثر ما اسامح ناس تجرحني ..
عجزت احاول معَ نفسي واسامحها !
10)
أنا صديق المقاهي
والذكريات الأليمه
كل الدروب اتجاهي
وكل الشوارع عتيمه
محتاج قهوه / وشاهي
و ريحة رسايل قديمه !!
يابايع الحلم لـ الواقع على فكره
حبّك قبل لا أتعلّق به / تناسيته
عشان بعدين لاغبت وبدا ، ذكره
ما أضيق ، وأقول انا .. وشلون حبيته ؟!
الحب .. بأول نفس لو حسّ بالسكره
مع .. كل نسمة هوى تسمع تناهيته
ماهو بكيفك إذا تبغاه / تفتكره
معروف .. ماله طعم لامات وأحييته
من طيبي الجرح كان يبادلك شكره
ومن طيبك إن طال نزفي ، ماتباطيته
كم بيت لـ عيونك الثنتين مبتكره
والناس .. تسأل تقول : البيت من بيته ؟!
( وجيه الأيام ) لو تضحك لنا عكره
والحلم .. ماينتحقق ، لو ترجيته
ولو لـ الفرح درب .. ماكان الحزن ، حكره
أخذت .. مُجمل أحاسيسي ومريته
إنسان أواصل وأفارق وأعشق وأكره
مامت ... لو ما أحقق / ما تمنيته
إن طاح من عيني اليوم الرجا ، بكره
وإن طاح بكره .. تبسّمت وتعديته
حتى أنت .. إذا ودك تفارق ، على فكره
ما أنت أول إنسان ( خلاني وخليته ) !!
؛
أنا بحاول أعذرك .. قدر الأمكان ،
بس أنت دور لك عذر فيه : ذمه !
كنك تدور عذر ، ماعنده : لسان ،
وكني أدور ثوب .. عَشـان : كمه !
سويت فيني شي ماصار لانسان ،
أحبّك .. ومع ذلك ، الحب : أذمه !
حتى و لو ما أحبك .. أقل الايمان ،
أنت المهم .. والنـاس ماهي مهمه !
لو كان مالك بالغلا درب ، ماكان ،
جيتك طفل متضايق وقلت سمه !
وشلون ينسى وهو في كل الأحيان ،
يتذكرك .. إليا لقى .. ضمة : أمه !
وشلون لاجاله من الوقت خدلان ،
من هو [ يداريه ، ويجيه ، ويلمه ] !
دام الجفا مكتوب ومفارقي هان ،
عندي طلب وإن كان لي قدر تمه !
تعال أضمك ضمة إنسان : ولهان ،
شاركته [ بشـوفه ونبضه ودمـه ] !
ضلوعه المشتاقه ، تقول : بردان ،
فآخر لقاء ، جامل ضلوعه وضمه !
ماني مغسل ثوب ضمك على شان
[ لا احتجت وقفاتك بجنبي أشمه ]
،
صوتيه : http://t.co/w0IQ1iGmUQ
_
قولي لهم والسهر لا طال ,
بين ( المحبين والغاوين ) !
عبدالعزيز السبيل قـال :
الناس بالحب كذاااابين !
بعض اختياراتي للعذب : عبد العزيز السبيل !
شاعر فوق الوصف ؛
-
( وٰ إني قويه بـَ ؛ رب السمآء ).
المدير العام للشؤون الثقافية والأدبية ورئيس رواق الشعر والخواطر والقصص والشيلات
هلا فيك الشيخه ..
دمتي نبراسا ومنهلا للإختيار الراقي والمفرده العذبه
الف شكر لجهدك واختيارك وتفاعلك الجميل .. كلك ذووق
( نص يستحق النجوم الخمس)
نحن ..
لانرتب أماكن الاشخاص في قلوبنا ..أفعالهم ..
هي من تتولى ذلك..!
ابداع وذوق راقي الشيخه
يعطيك ربي العافيه
دمتي برقي عزيزتي
بانت خفايا ناس كانو عزيزين
جابت لنا الايام .. ماكان فيهم
ماني معاتبهم ، عتاب المحبيّن
الله يسامحهم ، ويـستر عليهم
وآآآآآه ....
ياتنهيدة ٍ : بين المحاني ....
تلّها من يدها " كف الحنين " !
للسنين اللي بها كل الأماني ....
هي أماني من تعب كل السنين !
أبدعتي الشيخة
ذوق راقي جدا
ربي يعطيك العافيةة
جنتــي جنتك الفــردوس
سلمت يمناج غاليتي اختيار متميز ربي يعطيج العافيه
- اللهم اغفر لى و لوالدى,
و لأصحاب الحقوق على,
و لمن لهم فضل على ,
و للمؤمنين و للمؤمنات والمسلمين و المسلمات
عدد خلقك و رضا نفسك و زنة عرشك و مداد كلماتك.
اختيار مميز اختي الشيخه يعطيك العافيه
ألف شكر اخي رآيق ،المشاركة الأصلية كتبت بواسطة رايق البال
اسعزني مرورگ'
-
( وٰ إني قويه بـَ ؛ رب السمآء ).
ضوابط المشاركة