سلفني 200 ريال

[حافيه القدمين]

مساء الخير

فيه ناس فعلا محتاجه ولكن عزة النفس تمنعها
بس فيه ناس خلاص صارت عندها عادة
اتذكر فيه مره خالي زميلة طلب منه فلوس
وقاله اسمح لي ما عندي الحين ولا بعطيك
لانه من النوع اللي يأخذ وانسى انك عطيته
وزعل منه
بعدين يومين يقول الرجال راسل ف جروب الشباب انه مسافر
يعني يتسلف عشان يسافر ويستمتع وفلوس الاوادم الزمن يرجعهن
اذا ما عندي فلوس اجلس ف بيتي احسن ما اجلس اشحت من الناس

[صاحب المرسديس]

يا ما كثرهم فهذا الزمن :d

بس عن نفسي ما أرد أحد ولو كان المبلغ فوق

إذا نفسي طايبة عادي الامور طيبة

[ثابت الخطى]

والله هذا الزمن محير
واما السائل فلا تنهر
صدق الله العظيم
والله فى عون العبد ما دام العبد فى عون اخيه
ولكن المشكله ان نفوس الناس فى ذى الزمن تغيرت
صاروا اشبه بالحرباء واتقنوا فن الخداع والتظليل
ولكن يظل عامل الاجتهاد
اذا فعلا محتاج فما فيه مانع انى امد له يد العون والمساعده
برغم انى ساعدت ناس لما دار الزمن وقصدتهم عطونى ظهورهم
والادهى من كذى طالبتهم يرجعوا لى حقوقى وانكروا

[جـمـيـل الـروح]

يوم امس صار معي نفس الموقف واعرف ان هالشخص ماراح يرجع لي المبلغ

فقط لاني اعرفه انه متزوج وانه محتاج المبلغ لاولاده فلم اتردد لحظه في اعطاءه ,, ولا اعتبره سلف

وان جاء مرارا وتكرارا سوف اقوم بالواجب على حسب المستطاع

[شاهين هزاع]

ليش اعطيه واعرفه انه ما يرجع المبلغ السابق لي سبق واقترضه


اختصرها واقوله ما عندي

["الرديــVipــني"]

عادي بعطيه اي شي يريده.. حتى لو ياخذه ومايرجعه..

[قااسي القلب]

لا، حتى لو كنت مقدر تراني ما اغرفهن من البحر