الجزء الاول
الفصل الثاني
محمد لا اراديا راح صوب السيارة....
فجأه وقفه سيف وقال له: اي وين رايح ...؟
ارتبك محمد وقال : قلت اسلم على عمتي ...؟
قاله : عمتك ما منهم ...هذلا اهل سالم ....
سالم يكون اخ سيف....الكبير ....
هنا بنخبركم كيف طبيعة اهل محمد( عائلة محمد ملتزمين كثير...فما تستغربوا اذا كان ما يعرف شكل بنات عمه وبنات اخواله...لانه عاد من يكبرن ما يشوفوهن الا اذا صدفه وهكذا...وكانوا ما كثير متقاربين مع بعضهم ويزوروا بعضهم ...بس علاقة محمد وسيف هي اقوى شي بحكم انهم نفس السن ودراستهم كانت مع بعض...)
محمد راح من عند سيف وهو يفكر ...اكيد هذك بنت سالم ...لان سالم عنده بنات اكبر مني ونفس سني واصغر* معناه احتمال كبير تكون هذك بنته ...سيف قال اهل سالم ...يعني هذك بنته.....
وهو في الطريق فرحان ان شاف تلك الفتاه المجهوله....وفاء ارسلتله رساله تسأل عنه وهكذا ...
محمد تأفف وقال
هففففففف هذي ايش تريد...؟!
ورد عليها وهو يتأفف وكل باله عند البنت الي يمكن تكون بنت ولد عمه......
رجع البيت وقرر ان يسولف مع حفصه
يعرف منها كل شي.....
خبرها سالفة ان كان في بيت عمه وشاف بنات يطلعن من السياره واخبره سيف ان هذلاك اهل سالم ...
قالت له حفصه في سياق الكلام ِان بنات سالم متزوجات كلهن الكبار وعندهن اولاد
وباقيه وحده الحين ممتلكه....
هنا محمد تأكد ان الي تقول عنها اخته ان هي الي تزوجت قريب هي تلك البنت الي شافها
تبين انها صغيره ....
فقد محمد الامل ....اكثر من ما كان فاقدنه....
محمد كان يحس نفسه تعبان جدا
وما طايق نفسه....كان يجاهد نفسه يحاول يتقبل وفاء ويحبها ولكن ما قادر يجامل اكثر من كذا....
يحس عقله مرهق ...يحس نفسه سقط في بئر ولا خلاص منها ولا منقذ ....
زاد تعبه يوم يفقد بريق طيف فتاه اخذت عقله.....
لان فقد بصيص طيف وخيال ....ان يمكن تكون تلك البنت له....
تعب محمد جدا
اخذ اجازه من عمله
راح لوحده ...للجبل الاخضر يجلس هناك كم يوم
يفكر
اغلق هاتفه
بعد ما طبعا اخبر وفاء ان هو بيكون في مكان ما فيه اشارة ....
جلس وحده محمد يفكر ويفكر ويفكر
محمد يعني ما كان ذك الحين يهمه غير ان وفاء اصلا ما تستاهله ولا تستاهل رجل كذا يعاملها...
وهو ما بيده ان هو ما متقبلنها...
محمد قرر يطلق وفاء بعد ماايقن....ان افضلها الان لمصلحتها
ولا بعدين اظلمها بعد العرس ..او بعد الاولاد
وتعيش مظلومه مع رجل ما قادر يتقبلها كزوجه
...
رجع محمد البيت وقرر ان يزور وفاء ويفاتحها بالموضوع ...
راح لبيت وفاء وقالها ان انا اريد افاتحك بموضوعنا
وان انا ما اريد اظلمك اكثر عن كذا
واخبرها بطريقه لطيفه ان هو ما كان مرتاح في الاستخاره
واخبرها ان حتى بعد الزواج ما ارتاح
وما السبب منها
وهو ما يعرف شو السبب
وفاء تقبلت الكلام وطبعا كانت حزينه جدا هذا
ما شوي لها...
قالتله هذا بيت رجل ...وانا بنت رجال....
وانت خطبتني منه
...
وهالكلام قوله له.....
وخرجت من عنده .....وخبرت ابوها يروح ان محمد يريده ...
دخل ابو وفاء لمحمد
وقاله ان وفاء خبرتني انك تريدني ....
وفاتح محمد ابو وفاء بالموضوع
والغريب ابو وفاء ما قاله اي شي
ولا سأله عن اي شي
لان هو كان ملاحظ الامر وملاحظ وضع بنته وفاء الي كان سيئ ما كأي عروس انخطبت ...ما مثل باقي خواتها....
وتم الامر
وطبعا اهل محمد ما عندهم اي علم بهذا الشي
رجع محمد واخبرهم بالأمر
امه واخته بكوا كثير
وعاتبوه
بس هو اخبرهم يسكروا هالموضوع تماما
هو ما كان جل همه الا ان ما يريد يظلم وفاء ويريد يرتاح بس خلاص تعب
اما بنت ابن عمه شالها من باله ع حسب كلام اخته حفصه....ِمر اسبوع على هذا الحال
راح محمد لاخته حفصه وشايل صوره تشبه صورة بنت ابن عمه ...طبعا تعب يدور في الانترنت
قالها اريد وحده تشبه هذي ....
الجمال بالنسبه لمحمد جدا مهم ....
قالت له اخته ....من وين هذي اجيبها
اسمحلي ما بدورلك عشان لا تفشلني مره
وكانت جنبهم زوجة اخوه ِالي هي خالة بنت ولد عمه...
قالتله ...اعرف بنت تشبه هذي البنت ....
قالها من ....
قالت بنت اختي بنت سالم ولد عمك....
هنا فز قلب محمد
قالها ...بس تقول حفصة هذك متزوجه ...
قالت حفصه...متى قلتلك ومن متى انا اعرفهن...
قلت اصغر وحده خريجه تو ممتلكه...
قالتلهم زوجة الاخ: لا هذك بعدها تدرس ما متزوجه ِالي اكبر منها متزوجه من شهرين وعرسها شهر 6
نحن الان نتكلم ونحن في شهر 9....
محمد شاف اخته بنظرة....(اليوم اجلك ايوصل)
قال لزوجة اخوه تجس نبض البنت
وتخيلوا شعور محمد ذك الحين كيف فرحان
بس طبعا
سوا اتصلاته وكذا يسأل عن البنت
وكان كل شي في صالحها
بعد 5 ايام اتصلت فيه زوجة اخوه تقوله
ان كل شي زين
والبنت على حسب ما هي عرفت ما عندها مانع انها تتزوج وهي تدرس
بس لازالت البنت ما تعرف عن محمد اي شي
قالها مشكوره لهنا وبس
عاد انا بكمل عنك بروح واخطبها وكل شي لوحدي
راح محمد لسيف وخبره ان هو شايف بنت سالم ...
يريد يتزوج بنت سالم الي تدرس ...بس بحكم ان صديقه ...ِ.قال له انا شفتها كانت تخرج من هنا من بيتكم......واريد اتأكد اذا هي او لا نفس البنت الي انا شفتها.....تفهم صديقه الموضوع وقال له تمام....برتب كيف تشوفها بدون ما تعرف هي...عن تكون ما هي ويصير احراج وكذا....
كان محمد ينتظر اليوم الي بيشوفها هي او لا
بفارغ الصبر ....
مرن 3 ايام واتصل فيه سيف وقال له انا رتبت مع اختها الكبيره انك اليوم تشوفها....
(طبعا سيف كان متشجع ان محمد يتزوج بنت اخته ..لان كان خلوق وصديقه ويعرفه....)
التخطيط كان ع اساس ان يروح محمد بيت عمه
والبنت واختها بعد يروحن....
والاخت الكبير تأمر البنت ان تروح مجلس الرجال تجيب من عند عمها سيف حاجه بدون ما تعرف ان هناك محمد.....(لو انا فهالموقف بذبح اختي بساطور)
المهم تم الامر .....ودخلت البنت المجلس وطبعا تجمدت مكانها هناك من الصدمه ...لان اختها مأكده عليها ان سيف لوحده...
خرجت بسرعه ودقت الباب ...وخرج عاد سيف وجابلها الي تريده اختها عشان هي لا تشك ان كان تمثيل.....
بس خلينا نشوف محمد ذك الحين ....كان فرحان جدا جدا جدا لان طلعت نفسها البنت...يعني مو اقصى فرحه للرجل غير كذا...بنت عاجبتنه خلوقه وكذا والاهم من اهله طلعت عشان يخطبها....
محمد خبر سيف ان هي البنت وهو يريدها
ويقول له ولو 100 مره ترفضوني تراني بجي 101 مره واخطبها....
سيف ضحك من كلامه لان فكره يبالغ ....بس محمد كان جاد ما كان يبالغ
خصوصا لانه...جرب كيف الزواج بدون تقبل وهكذا....
فما يريد يتزوج وحده غير مقتنع بها مليون بالميه....
بنخبركم قبل عن الي يحبها محمد ....
البنت كانت اسمها "حياة".....وكانت حلوه كثير...
وهاديه جدا...وكانت معروف عنها انها نشيطه واجد...
ودلوعه...
دلوعه دلع بنات طبيعي ...بس نشيطه ...وطباخه ماهره...
وكانت تدرس سنه 3......ادارة اعمال ....
نرجع لسيف ...سيف اخبر حياة بكل الامر
واخبرها ان سالفة اليوم ودخولها للمجلس كان مرتب وتمثيل ...
هي تقبلت عادي ...لان هي من احلامها تتزوج واحد شايفنها قبل وحبها ....بس بدون علاقة حب ...
هي تريد واحد حبها حب صامت ....
اخبرها محمد بأن في امر
ان هو متزوج فترة ملكه بسيطه وانفصل(طبعا بفترض هالكلام حياة تعرفه بحكم ان ولد عم ابوها...بس اصلا هي ما تعرف كل هذا ولا تعرف عنه اي شي ولا عمرها شافته ...مثل ما خبرتكم قبل انهم ما كثير مع بعض )
هنا ردت حياة رد حازم وقالت ...
مستحيل اتزوج واحد مصافح(مخابر) وحده غيري قبل ....
اتمنى ان يروق لكم
اتمنى اشوف تعليقاتكم وتوقعاتكم
الف شكر