نبض الإحساس .. سجّل احساسك في هذه اللحظه

[داناااا]

إلا ( أنت ) ما تخيّلت .. أفقـدك
ليه غبت.. وأنت: جداً غالي ؟؟

[ثابت الخطى]

نعم نامت جروحِ اللي تعبها بالصياح الويل
معاليق البكا سدّت حناجرها شباك الغار

نسيج الحزن في صدري تباريحه هموم الليل
مواويل الحداء هاجت تقاسيم الفراق زَمار

وتخنقني هواجيسه إذا ضاق النفس بالحيل
عيوني من مراثيها مثاعيب الدموع أنهار

[ثابت الخطى]

حنين

ليل
والعالم نيام
مرني شيطان شعري
وآنا جامد
هز كتفي وما صحيت
هو يعرف أني أبيه
هويدري أني أحتريه
ودائما أسئل عليه
دفتر أشعاري فيديه
والقلم في راحتيه

يا ثابت
قوم اكتب
أنا جيت

[الشيخه الفلانيه]

شفتك وفي قلبي كلامٍ بـ اقوله
وسبقتني في قولة " الله من ايام "
شفت الظروف شسوت بـ هالسهوله ؟
وشفت القدر وشلون سوّى بالاحلام

[الشيخه الفلانيه]

مستغرب اليوم ما مرتني جروحك ؟
متعوّد أشوف جرحك .. طارقٍ بابي
إن كان بك شي ، طمني على روحك
محتاج جرحٍ جديد يهدّي أعصابي !

[الشيخه الفلانيه]

ما فات من موعد الفرقا سوى ساعه
وللحين أحاول أهدّي نبضي الطايش
الفقد مؤلم .. ولكن أصعب أنواعه !!
تفقد لك إنسان بالدنيا و هو عايش

[الشيخه الفلانيه]

تمرني ذكرياتي ... و أنكسر كلّي

لأن الزمن .. ماهو مرجّع ولا وحده
الذكريات الجميله ، بس هي اللّي
على كثر ما تزيد تحس بالوحده !

[الشيخه الفلانيه]

إسألتني ليه قلبي يكره العشق و يخافه
و ذكرتني في حكايه اسمها ليل الرحيل
قصة المليون جرح قصه أشبه في خرافه
قصه من يسمعها لازم-لازم دموعه تسيل

[الشيخه الفلانيه]

من غاب غاب الحال لكني !
ماهمني حالي ، كثر حاله ،
انا ماخاف انه مايذكرني !
انا اخاف اني على باله ..

[الشيخه الفلانيه]

مابين قوسين الهجر و المواصيل
تشربني الذكرى بعيني و تاكل
أتذكر ايامك بـ أدق التفاصيل
أنا مع النسيان عندي مشاكل !