التعديل الأخير تم بواسطة مائة بيسة ; 26-11-2019 الساعة 11:26 AM
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
هاهو فصل الشتاء قادم وانا مازلت انزف
الشتاء
ضم جرحي لك واثلجه لارغبة لي بالاحساس
اثلج دموعي وعبوس تفاصيل وجهي
دعني ارجف منك (البرد) ليس من كلمات حارجة
أغسلني بالمطر لعله يمحي الذكريات
لاتدعني فلم أعد أتحمل كلمة ودااااااع
صادقة مزيفة قائمة من الاسماء
1-...........
2-...........
3-...........
4-...........
جدولي قبل النووووم
قبل ماانام لازم اشرب ماي(حتى قبل لااطلع من البيت)
بعدها ادش انام واقراء المعوذات وآية الكرسي
(اللهم قني عذابك يوم تبعث عبادك)
بعدها ماشاء الله علي اقل عن ثانيه عاد احلم
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
كم هو غريب هذا الالم
ليته طفل صغير لااسكته بقطعة حلوى
كم هي مؤلمة تلك اللحظات
كم هو مر ذاك الطعم
لحظات الوداع
طعم الفراق
قد لن يسمح لنا الوقت باان نودع من نحب لكن بااستطاعتنا ان نتذكرهم فهم اغلى من
عرفناهم
إشتقت للجلوس بقرب البحر
احاوره ويحاورني
اشكي له ويسمعني
بالعادة انام بكير لكن اليوم ماجاني نووووم
مو بسبب فرحة العيد نفس اليهال
لكن طبعي لاتضايقت من شي يطير النوم من عيني
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
حن اثنين حبينا ..تزاعلنا و تراضينا ..
بكينا يوم و غنينا..
دوام الحال من المحال ......
باكر عيد...صحيح او انا اتخيل؟
البارحة كنا اول رمضان
سبحان الله الايام تركض
التعديل الأخير تم بواسطة مائة بيسة ; 15-08-2017 الساعة 12:37 PM
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
صورت الي الدنيا جنه وعودت قلبي عليك
تعودت عطرك اشمه لمن تحضني ايديك
قلي شمسويلي انت احجي بس الله عليم
يوم الي شفتك اني ثاني يوم حلمت بيك
سامحك قلبي حبيبي منتظر منك سماح
تدري ازعل لمه ترحل خلاص انسه الي راح
ارجع ينور العين وافتحلي قلبك
ما تلقي اي انسان مثلي يحبك
اذا تحظني انت بيدك صدّق عنواني اغيب
مهما تبعد انت عني تبقه من روحي قريب
اني مو سهله عليه افارق مثلك حبيب
تعال اقترب مني ما أعروفك أني لـغريب
بعد تردد عميق وتفكير طووويل قررت اتصل
ترن ترن
ترن ترن
أنتظر سماع صوته لعله يشفي شيئاَ من جروح الزمن
لكن لم يرفع السماعه
زاد حنيني له
(صرت اشوفك بكل زوايا البيت)
مااصعب ان يتجاهلك من تحب
يجبرك على البعاد
يخطف منك لحظات الفرح
يقذفك بعيداَ عن عالمه
لتكتشف
لتكتشف
لتكتشف بالنهاية بإن لاتوجد قيمة تذكر لك.
كيف لي ان اكون طبيعية اليوم ولقد وضعت اصبعي بعيني
لم يجبرني احد لكن قلبي
لم يعد يحتمل
هل اعاود الاتصال
ام انتظر
نغمة هاتفي ترن
قطع مخيلتي
قررت اتقرب لربي
هل هالشي يزعل؟
مااعتقد لكن بدون اي مقدمات يزعل؟؟
هم لا...يعني لما ابي اتقرب من ربي لازم احط مقدمات قبل؟
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
تيست للمدونة بالنيو لوك
ماادري هل انا بردانه او الجو بارد
أكره شي لما احد يضايقني
يخمن ويفكر ع كيفيه
واسلوب بايخ بالحوار
يجيبون لك الكأبة استغفر الله
لحظات /ساعات الفرح بسرعة تمر
لكن لحظات الحزن ثقيلة
لي ضلوع أوقات تصبح من حطب
والعيون أحيان ماتبكي.. تنوح
ضاقت في كل الوسيعة والرحب
ما التفت الا وقدامي صروح
هذا حالي للفرح ابغى سبب
وين ماوديت همي ما يــروح
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
اليومهينهعندها امتحان
وعاد كبداية حلوة للامتحان راح عنها الباص
والحمدلله محد قرب صوبي اوصلها هع
وصلتها اختي الكبيرة لووول
هع هاطبع حلوم ترمي الاغراض علي( سمر ومهند ترمي الفواطه)
تعبت افهمها بس ماكو فايدة
صح ماخبرتكم من حلوم
هاي بتكون ماي بيست فريند
ماباقي شي ع يوم الخميس
عرس لولي
...........
اخوي يكربني بمحاضراته يخلص س4
وس4 انا اتابع الارض الطيبه هع ع قولة اخوي في بنت تتابع
مسلسلات فيها حرب ودم وعنف
.............
خاطري اتابع فيلم رعب
ب كل غفوةة !
آبي ارتآآآح..
تجيني صورتكـك,
..........وأبغآك!
لاتبكين ع اللي صااااار
تذكرته الله يرحمك ويغفرلك
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
25/1/2012
س8 صباحاَ
صليت ركعتين نية اني رايحة العمرة..خلصت لبست الجاكيت الاخضر ةاخذت شنطتي وودعت الاهل
وركبت الباااااص
أول شي ركبنا الباص الأحمر انا والمجموعة اللي عندي بس بعدها السائق قال للحرمة اللي معانا ناداها بااسمها لا خالتي ولاعمتي ولااي مصطلح يدل ع التهذيب كأنها بسنه؟؟؟
ح انتوا تعالو هالباص لانكم مطلوبين وبالاسم
رحنا لاحول ولاقوة وباقي شنطنا بالباص الاحمر واخذنا بس معنا الشنطة اللي نبيها للميقات والتقمريشات هع
مااعرف كل الساعه وصلت 12 او 11 ونص واحن ببركاء
نزلنا من الباص وسيدا ع الدكان اخذت اكسترا وسبريت وبطاطس لي ولامي
وردينا البـــاص
طبعا مايحتاج اذكر شو صار بالباص من فقرات وترشيح امير الرحلة هع
وقت الغدااااااء....امممم كان لذيد طبعا اول يوم يدلعونا
والكل يشخر وانا موب قادرة انام اقول متى بوصل وافتك من هالروائح..(وايد نظيفة) كل بعد شوي افش عطر بالباص
الباص مافي تهوية والشبابيك ماتفتح
وقت العشاء كان العشاء هريس
عجبتني السالفة انا قلت مابي بصراحه وكل شخص يأخذ الصحن صار يرده يقولوا مافي ملح
عاد انا واللي جنبي كتبنا رسالة لامير الرحلة قلنا
الاكل ماعجبنا لو سمحتوا ياليت تغيرونه
لانه مافي ملح والسمن وايد
وردوا علينا بعد شوي بنشتري لكم خبر براته وشاي
طلع ماشي منه اشتري لعمرك
اخذت بطاطس وفلفل والحمدلله
صلينا الفجر....اللي بالباص يسون الشاي ووجبات الافطار
جاوا 3 شباب سعوديين حاطين فول اغاني عند المسجد
وجاوا صوب اللي يسون الشاي
هع السعودي يرفع سلندر الغاز والعماني ينزله وهكذا
لين دز العماني السعودي ع صدره وطلع السعودي سكين
(كأني اطالع توب موفي)
وجاء صديق السعودي ومسك ربيعه وقال (اسمحلي اوخي شوي مسطول)
والسعوديين تراهم ناس كويسين بس نحنا الوسخين)
وراحوا
وكملنا رحلتنا
وبعد كذا محطة قربنا من صوب الميقات
وقلبي بداء يدق بسرعه تراها اول مرة اعتمر فيها
يفهمونا شو نسوي شو نقول وانا مااقصر بكل شي استفسار واسأل
ووصلنا الميقـــات
اممممم ولاألف دورة مياة تشوف كل شخص يلج يعني يلمع من النظافة ع قول امير الرحلة كأنه غسيل للميت والابيض الكفن
المهم خلصنا كل شي ورحنا نصلي 2 ركعتين وصح صلينا بعد صلاة العشاء وصرنا نردد بداخلنا
لبيك اللهم لبيك ..لبيك لاشريك لك لبيك....الخ
ونضيف لبيك لك بعمرة تمامها وبلاغها عليك يالله
وكل الشباب بالباص يقولون وبصوت عالي
المهم ماترقد...
ووصلنا وكنت انا وقلبي مملكة بالامام (السمجات) عاد تخيلوا
شفنا الكعبة وماسكين انا وياها ورقة فيها دعاء رؤية الكعبة قرانه وجالسة نتأمل ونقول مو مصدقين
شي ولابالخيال روعة لا فوق الروعه
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
نسيت اخبركم قبل هالاحداث صار وشفنا هالساعــة
والكل يتأملها كبيرة
المهم رحنا نطوف والطواف 7 مرات والحمدلله من اول يوم لمست الكعبة
وبعدها السعي بين الصفا والمروة وهم 7 مرات
وشفنا جبل الاحزاب ودعينا فيه
عند العلم الخضر الرجال يهرولون بس احنا نمشي عادي
السبب ليش هذيك المكان يهرولون سبب جدا بسيط
انا اعرفه ولو تبون تعرفونه دوروا عليه بروحكم هع
كمل في جبل الصفا والمرؤة اللي هو هابالصورة
بالواقع وايد حلو وتحس كانه فيه ماي
دوسنا عليه وقعدنا ندعي
خلصت من العمرة وردينا السكن ....اممم عاد الحماس واصل حده خبرت اللي معاي ابي افتر الحرم ابي كل شي اطالعه
الواحد مايعرف متى يقدر يروح مره لهذاك المكان قلت اغتنم الفرصة
ولفيت ولفيت ولفيت من طابق لطابق
طبعا بعد صلاة العصر
نسيت اخبركم نقطة عن مقام سيدنا إبراهيم
انا ماكنت عارفة انه داخله اثر اقدامه شي رهيب والله
وبعد في الطابق الثاني قسم ديكوره ابيض
اللي هو ها سمينها المكان الابيض هع
وعليه مكيفات يعني تحس ببراد
وطبعا اللي قدامكم ماي زمزم اللي بكل سكة تحصلونه بالحرم
شي اللي بارد وفي اللي (غير مبرد)
للعلم كنا متفقين اللي تضيع منا توقف عند باب الملك عبدالعزيز اللي هو ها
زطبعا هناك وايد ابواب واحن لما رحنا نعتمر دشينا من باب السلام
هذا الباب اسمه الملتزم وهو باب الكعبة
لما نوصل له ندعي
يحتاجلك طول لحد توصل له
ودوم الشباب هناك يعني ماتقدري تدشين
الا جاك المطوع وقالك ياعمة ياخاله لاتزاحمي الرجال
هنا تحط صدرك ويدك وتدعي ربك طبعا كذا دوم زحمة
هناك بتحصلون العجائب كل شخص وطريقته بالعبادة
وطبعا ماتتدخل بحد
بعد مانصلي الصلاة المفروضة مثلا الظهر بعدها يقول الامام
صلاة الاموات رحمهم الله
وطبعا كلها وقوف
وبكل صلاة تصادفنا بوجود اموات الله يرحمهم
جينا بنقطة الاثــارة انا خبرتهم مابطلع من الحرم غير ماسكة الحجر الاسود
كل مااطوف الحرم اشوف الناس تتقتال عليه وفي شخص راكب فوق ويصور عمره
قلت بداخلي بكرة بجي وبلمسه الحجر الاسود
هاللي عليه نفس الاطار الرصاصي هناك الحجر الاسود
والحمدلله لمسته وقبلته بعد
وبغيت اطلع وماخلوني هع عاد استغليت الفرصة ادعي ع راحتي
وطلعت وبعدها قالت لي مملكة انا مالمسته ومااقدر اتضارب خبرتها انا بوصلك لهناك ووصلتها
بس للعلم في اوقات يسون لنا طابور عسب تلمس الحجر
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
يوم الاثنين خبرونا بنروح رحلة نتعرف على مناسك الحج
مزدلفة جبل عرفة الخ
طبعا الحينة موب موسم الحج يعني المكان فاضي
طبعا اخبركم بالامور اللي طالعتها بس
وهاي خيام الحجاج بمنى
ورحنا جبل عرفة وانت صاعد بتحصل ناس تبيع وايد امور
بس قبل لاننزل من الباص كل واحد جايب الجمل ماله يبينا نصور عنده
والجمل مرتب ترتيب
وهاجامع التنعيم طبعا كله لحجاج انا طالعته من برع
وكملنا لزيارة قبور الشهداء وكان في شاب صغيرون يقول انا اقراء الدعاء وانتوا رددوا وراي
يوم الثلاثاء طلعنا بعد صلاة الشروق ودعنا مكة بعد طواف الوداع ورحنا المدينة
اونه عطونا فطور خبز 1 وجبن1 ونص كوب شاي طبعا انا كل هامااحبه
جلست بجوعي مافي محلات قريبة
ومشينا ومشينا وبالدرب شو طالعنا
القـــــرود الملعونه
وبعدها وصلنا مسجد قباء وصلينا الظهر والعصر
وحصلنا يمكن سنورتين داخل خخخ
ومن خلصت مصلية رحت برع في مطاعم واشتريت شيبس مال بطاط يمي مع فلفل
نسيت اخبركم شفنا جبل احد وجبل الرماة وركبنا جبل الرماة والعاجيز جلسوا تحت هع
وصلنا السكن وتغدينا وبعدها صااااارت كذا اكشنات بالسكن ووتجهزنا لصلاة المغرب وقطعنا الشارع ترا المسجد مو بعيد
ووصلنا امممم روعه شكل المظلات
ومشينا بتفوتنا الصلاة نسرع ومرة نسمع الله اكبر كملنا الصف وصلينا
وبعدها اخذت مملكة ورحنا نفتر داخل
وانا اسألها وين قرب النبي طبعا نحن اول مرة نروح مانعرف شي
خبرت مملكة سألي المسؤولة وسألتها قالت انتوا من وين قلنا عمان قالت الخلجين هذاك الصوب ورحنا
واخذت امي معي وامي تقول انطر صديقتي خبرتها خلا نجلس هناك
وصلينا العشاء بعدها كانت موجودة حرمة تحكي لبنات اختها عن شو بيشفون داخل وان في سجادة خضراء صلوا عليها
وتيجي المسؤولة وتقولنا للكل نفس محاضرة توعوية عن القبور والدعاء والخ
فجاة دون سابق نذر اشوف اللي عندي يركضون ومملكة موب منتبها واخبرها ونركض احن ومو فاهمين شي وين الناس تركض احن نركض
لحد وصلنا لقبر النبي والله بغيت اصيح من اللي شفته انا قدام قبر الرسول
واقفة ع السجادة فترة وبعدها صليت وجلست ادعي دون ان اعرف ان هذاك المكان روضة من رياض الجنة
المكان رائحته حلوة ولابالخيال والسجاد هم رائحته حلوة
اذا تذكرت شي ثاني بخبركم
صح هم طالعنا مقبرة البقيع...امممم
ها جبل أحد
وها جبل الرماة
قال تعالى :{ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ(97) فَسَبِّحْ بِحَمْدِ رَبِّكَ وَكُن مِّنَ السَّاجِدِينَ(98) وَاعْبُدْ رَبَّكَ حَتَّى يَأْتِيَكَ الْيَقِينُ(99) } صدق الله العظيم
ضوابط المشاركة
رد مع اقتباس
