قصيـدهـ جديدهـ بعنـوان .. حفيد المجـد ..
الصــدق في كــل المـواقف فضـيـله ...يرفع شمـوخ الـذات لو كنت مغبـون
يـوم الصبـر تلـقى بـ تـواليـه دليــله ... انظر لموسى كيف هزم فيه فرعون
والمبـدأ الحـر مـا يجـي فيــه ميــله ... دام الوفـاء بالقـلب ما خانته عيـون
وكــف ٍ كــريمه ما تـرافق بخـيلــه ... شف غني النفـس ما مـات مديـون
يعـــز نفســـه عــن رِدّي الفشيــله ... دام وقـار الــروح مـا يقبـل الـدون
مـن غرس بــذره بيلقــى حصيــله ... واللي زرع الطيب فـالناس ممنون
واللي لعب فـ النـار بتحرق شليـله ... دام الجمر فبعض الاحيان مدفون
ستـر العـذارى هي صفـاتٍ نبيــله ... تستر به العـورات والناس يثنـون
مـن كشـف ستـر وجـارة حليـــله ... دانه زمـانه وعليه يســدد ديــون
هـذي مفاهيــم الرجـال الاصيـــله ... علم المراجـل ترا بالديـن مقـرون
من طاح بـعين البشـر لا تعــدي له ... لـضاعت الهقوه وخابت به ظنون
بعض البشـر تروح له وتعـني له ... واحـد ولكـن عـن ثمانيـن مليـون
والبعض ودك عن عيونك تـزيله ... يومه ردي الفعل مبـلي وملعـون
وجزل القوافي ما يجيب الهزيله ... بحر القصيد نبض وبيت موزون
اشرب من الفنجال الاشقر وهيله ... المسلمين ليا شربو دوم يسمون
دامك حفيد المجـــد وانتم سليــله ... اترك هروج الخلق واللي يقولون
وسلامتـكم .
رد مع اقتباس
المشاركة الأصلية كتبت بواسطة اميرة الروح
