لأنّني روحٌ سمآوية ♥!

[روح سمآويةة !]

-


بسم الله الرحمن الرحيم ‘،

عودة لهذا الصرح

*فتحت مدونة جديدة لأنّي ما حصلت مدونتي القبليّة !

كونوا بالقرب ♥ .

[روح سمآويةة !]

-


!
بما أنّي انقطعت فترة طويلة عن هالمكان ،
خلّني شوي أتكلم ،
أحسّ تغيّرت السبلة :/ !
وفيه أعضاء مال زمن الطيبين محّد !
السبلة أحس فقدت بريقها ولمعانها شوي ،
وشسمه بعد أنا رجعت عشان ما كتبت من زمان !
ويعني ما بكون متواجدة طووول لكن بدش من فترة لفترة ،
جد من زمان ما كتبت كذا ولا شيء !
وبعد شسمه ترا غيّركم الزمن ،
بس ها سوالفي ،

أوكبآي .

*لمّ أقول أوكبآي أتذكر شروق ، هينها ذي الإنسانة ؟

[روح سمآويةة !]

-


مسآء الريحان ❤،

اليوم بالمدرسة كان خفيف وجميل ،
أحلى شيء بالمدرسة ربيعاتي :$!
طبعا ربيعاتي هالسنة غير عن اللي قبل ،
كل شيء تغير تقريبا ،
المهم ..
هالفصل كنسلت الخصوصي بس بقيت بحتة !
بس أحس لازم أضغط على نفسي وأذاكر فيزياء ��،
وشسمه بعد ها سوالف الدراسة ال** ،
ويالله هانت باقي لي سنة وهالفصل وخلاص فرييي !

وأحس بمرض ،
فيني صداع فضيع وبدايات المرض بادية تبين ،
يا رب ما أمرض ،
بكرة وراي بارتي وعزايم ،
حسستكم إني سيدة أعمال هههههه ،

وبس :* ،
معسلامه.

[روح سمآويةة !]

-

!
بعد المغرب كان عندنا بارتي عائلية ،
بمناسبة ذكرى مولد أخوي ❤،
وكانت أمسية جميلة ،

وبعدها نمت :/،
ﻷن حسيت خلاص ما قادرة أقاوم ومتكسرة ،
نمت كذا على الساعة 8 وصحيت قبل شوي ،
كنت مخططه أقرأ كتاب بس شكلي بكنسل ،
وبس والله ها أخباري .



يا رب اكفنا شر تقلُب القلوب
والمشاعر وشر التعلق بالصديق
المُنافق وشر الكلام المزيف، وشر
الحياة وماتخفيه لنا .

[روح سمآويةة !]

-


مساكم الله بالخير ،

قبل شوي بس رجعت البيت !
خلاص تعبانة حدي ومتكسرة ،
كان عندنا عزيمة على الغداء وبعدين حفلتين :/،
كان يوم مزحوم بقوة ،
أحلى ما فيه إني عرفت بعض الأشياء !
وبعد حصلت ربيعتي ومن أول ما لمحتها ونحن نضحك !
لا تسألوا ليش ����،
المهم كان يوم جميل رغم التعب اللي أحس فيه ألحين !

وبكرة وراي قومة من الصبح ،
لازم أذاكر وأخلص اللي علي علشان عندي درس :/،
وشسمه بعد وراي أحفظ وأجهز أمور وايد ،

و ها سوالفي وها أخباري ،
معسلامه .

[روح سمآويةة !]

-


مسسسيتوا ،

مزكمة وحالتي حالة !
واليوم من الصباح كنت طالعة ورجعت الظهر وبعدها نمت ،
وقبل شوي صحيت من النوم :/،
وألحين وراي ستمية ألف مليون شيء !
وأبا أخلصهم بسرعة عشان أفضى أبا أتنفس يااخ !

شو صار عشان أخبركم ؟
ولا شيء جديد يعني :/،

ألحين جالسه أسمع حاجة وعارفه إنها بتدمّر نفسيتي لكن يالله !
وبس ما عندي سوالف ،
يمكن لا دشيت المرة الجاية أخبركم عن الفترة اللي غبت فيها ،
وأخبركم إني تغيّرت !
وألحين بطلع عشان أخلص شغلي ،
ومعسلامه .


*بعضنا ميت على قيد الحياة ،
وبعضنا عايش وهو وسط الكفن !

[روح سمآويةة !]

-


!
سمعليكم ،
وها رجعت وألحين بتكلم شوي :/،

كذا قبل كمن يوم قررت أرجع للسبلة ،
لأني مثل ما قلت فوق إني من زمان ما كتبت ،
لا يومياتي ولا خاطرة ولا شيء أبداً أبداً ،
يعني ابتعدت عن الكتابة بشكل نهائي :/،
*إلا طبعاً كتابة الدروس ال** !
ولمّا رجعت شفت السبلة متغيرة والحالة ،
أحسن الأعضاء محّد ونصهم غيّرهم الزمن ،
طبعاً هنا كلكم يعني ممتازين بس أعضاء أول يعني ربعي وكذا ،
وألحين حتى لمّا دخلت ما حصلتهم ولا شيء !
إلا كمن واحد والغم بعد ذيلا ما أدري كيف كبروا بذي السرعة ،
ههههههه حسيت سحححر فجأة صاروا بالجامعات وقبل كانوا كبري !
صدقوا انتوا يالله ،
وقبل كان حماس لمّا يحسبوني ف الجامعة وأنا بعدني أدرس ههههه ،
وأشياء جميلة كانت بالماضي ،
والسبلة كانت شعلة من النشاط .. بس تو :|!
و بعد وايد أريد أقول بس يعني ما أدري كيف !

وأنا شسمه تغيّرت قليلاً ،
وغيّرت أشياء بحياتي بعد : )،
انتقلت من مدرستي وغيّرت صديقاتي وغيّرت أطباع كثيرة فيني ،
كله لأني طموحة بغدٍ أفضل ،
وكل شيء ممكن إنه يكسرني رميته وراء ظهري ،
وجداً فخورة بنفسي ألحين : )،
وأتمنى أحقق الشيء اللي أطمح له ،

المهم ..
أحسّ تكلمت وايد : )!
والأعضاء القدامى وصديقاتي هنا ما زالت ذكراكم في القلب .

معسلامة : ).

[روح سمآويةة !]

-


مساء الأجواء الحلوة ❤،
على كذا جو يبالي أطلع ،
بس المشكلة إني ما في البيت :/!
طبعا جالسه بيت جدتي لين ما يرجعوا أهلي ،
ومحد هنا عشان يشلني !
لو كنت في البيت كان بس أنادي سمير ونروح ،
*سمير : السايق مالنا ،

المهم ،
اليوم بالمدرسة عادي يعني ما صار شيء يستحق الذكر ،
وشسمه بحل واجباتي وأشيائي عشان بعدين أتفرغ لهواياتي ،
هههههه اللي يسمع الهوايات اللي عندي عاد :|!

وشو بعد ؟
بس ها اللي عندي.

سسسي يآا .

[روح سمآويةة !]

-

هآي ،

بس أخبركم ،
قبل شوي كنت جالسه أطالع حساب وحده أعرفها بالانستا ،
وأضحك ضحك من فوادي ،
يعني قبل كانت منحازه لفريق برشلونه ،
وألحين بقدرة قادر مقتدر صارت مدريدية متعصبة :|!
يعني لو شفتوها كيف كانت تحب البرشا ههههه !
واضح إنها سالفة أحب اللي يحبه ؛)،
المهم يعني الزبدة من ذا كله ،
سواء كان فريق رياضي ولا أيا كان ،
حبوا اللي تريدوه ،
ولا تتبعوا حد ﻷنكم مختلفين عن غيركم ،
كونوا مثل ما انتوا وبس ،

وشسمه بعد ،
اليوم م... أصرت علي أفتح bbm ،
أكره هالبرامج بس فتحت هههه !
العذر أنها تباني في سالفة وما يصير بالواتس :|،
خبرتها ما أريد صدعان :/،
بطرانة بعدني p: ،

وبس ها اللي عندي ألحين ،
يلاباي.

[روح سمآويةة !]

-


سمعليكم ،

بعدني مزكمه :/،
وحالتي معتفسه فوق تحت ،

وشو بعد ،
باكر ما بندرس ،
حماس يعني بنروح نسولف ونرجع ،
أفكر أسحب عليهم بس لازم أروح عشان البرنامج الإذاعي :|!
بخبر سمير يجيني الساعة 10 نروح الشاطي وبعدين نرجع البيت ،
هذا إذا طاعت ربيعاتي يروحن معي :/!

وها شسمه ،
ودي أمسك حد وأكفخه بالقو ،
وأخليه يتأدب زين ما زين ،
ياخي ما أدري ليش الناس جي :/،
يع مقرفين والله !
وما أدانيهم ألحين أبدا أبدا ،
تفف !

وبس أفرغ الغم اللي فيني ،
ألحين بروح السيتي وبعدين بروح بيت خالتي ،

آوكيلاباي .