كلك على بعضك دلع
حتى الدلع منك يغار
اولعت قلبي بك ولع
وارميتني في وسط نار
الورد من خدك ينع
كادي وفل وجلنار
واشوف صبري ما نفع
عنك ولا فاد اصطبار
ياذا الغلا لا تندفع
فالامر يحتاج انتظار
و ان كان حبي ما شفع
عندك فلا تاخذ قرار
سامح حبيبي واستمع
للي تقدم باعتذار
تعال وانظر للدمع
تعال شوف الانهمار
وان قلت لي ما بقتنع
بروح انا لقرب مطار
و ارحل و اسافر وارتفع
واهيم انا في كل دار
عسي فؤادي يتسع
للصبر او نفتح حوار
ونرجع لحب قد جمع
قلبي و قلبك بقتدار