كلٍ يغني على ليلاه
وانا على حالي أغني
أحيان عقلي احسّه تاه
واحيان افكّر واقول : اني
حزين صدري مداين آه
ضايع بخت من صغر سنّي
غريب ربع وطريق وجاه
وحيد ماحدٍ درى عنّي
غاوي شعر والزمن شلفاه
تنهش ضلوعي وتطعنيّ
يلعن ابو الشعر يوم اقراه
وش جاب لي وش خذا مني؟
اظماه واشربه لين اظماه
وبأموت ظاميه لكنّي
لو ماوزنه وانكسر لرضاه
راحت قوافيه تلعّني
في الذاكره شيّ لو انساه
يمكني اعيش متنهّي
في الذاكره دمع لاوالله
في الذاكره طفل يغني
ليت الاماني جبل وارقاه
وانسى همومي وينسّني
مايدري انّي على ذكراه
يمكن ابقى ويمكنّي
اترك طريق الشعر واجفاه
واموت مأحدٍ درى عني
رد مع اقتباس
المشاركة الأصلية كتبت بواسطة مجنونك ما يخونك
