لا تحسف مـا علـى مثلـي حسافـة
.....................خلك أكبـر مـن جنونـي وهذيانـي
كنت سر وتـم فـي يديـك اكتشافـه
.....................وجـه بـارد لا يحـس ولا يعـانـي
كل ما قلتـه عـن أوجاعـي خرافـة
.....................طوّفـه ، مثـل الكـلام بـلا معانـي
كنت أورّدك الظمـا مـن دون رافـة
.....................وكنت أزيّف بالشعور ، وكنت أنانـي
وكنت .. وش باقي بعد يحتاج إضافة ؟
.....................المهـم أنــك تسلمـنـي عنـانـي
وش بقـى بـي ترغبـه ولا تخافـه
.....................ما كفاك من العـذاب اللـي كفانـي ؟
ليه تشغل خاطرك فـي " شـي تافـه"
.....................ليه تسبـل دمعـك العـذري عشانـي
عدّنـي مثـل أي غلطـة وانحرافـة
.....................وانسني .. وارقد قرير العيـن هانـي
اختر الـدرب الطويـل بـلا انعطافـة
.....................اليـن تخفيـك الشـوارع والمبـانـي
لك عليّ اعرض لـك البسمـة لطافـة
.....................وآحبس لك دمعتـي واعقـد لسانـي
لا تـردد بيـن وقفـة وانصـرافـة
.....................خذ طريقك وارتحـل .. ولاّ ثوانـي :
يـا حياتـي قبـل تاخـذك المسافـة
.....................خلني اشبع من عيونـك فـي مكانـي
رد مع اقتباس
!
