ياناقش الحنّا على ناعم الكف
نقشت بالقلــب المولع صوابه
أنشهد إنك صف والبيض في صف
وعزي لمن حب العذارى سطى به
لفيت قلبي يالغضي بالهوى لف
ولعبت بي ياصاحبي كالربابه
يامن يودي لي كتاب(ن) مظّرف
ويجيب من عند الحبيبه جوابه
قله تراني ماقدرت أتصرف
والعقل مني نور عيني عذابه
حذراك تلعبي كما لعبت الدف
في مهجتي والا مخايل سحابه
ياصاحبي مالي على فرقتك شف
مير القدر له وقفة(ن) وإستجابه
كتبت لك حتى القلم خافقي جف
تعاركت من نبض حرفي الكتابه
طيارتي لاجل الهوى عافت الرف
سرب الهوى أضحى لقلبي مهابه
اختاره لكم
المصرجع المينون
رد مع اقتباس
