اجواء غير / وبرد وغيوم وامطار !
بشرة بداية عام . . . جاب التباشير
ريح المطر وقت الشتاء عطّر الدار
وغنى الشجر وقت المطر للعصافير
الجو بارد . . والشتاء بالوانه / زار
وانا على جال الحطب ماني بخير !!
برد الوله مايدفي . . بمعطف ونار !
له بالمحاني : ونة ٍ صوتها / غير
مرت سنه بغيابها . . والحزن بار !
كني ابوه ويحضنه . . . دون تقصير
اثر الليالي . . حزنها حيل / جبّار !!
هي فرقتنا . . والقدر / واقع يصير !
وحشتني ياللي معك . .كل الأسرار
شوف المطر / ينبت بصدري نواوير
مابلتك قطرة مطر . . شوقها حار !
هذا اشتياقي . . والمطر شوقه يثير
كـل الجـوارح / ثـايـره .. والـولـه ضـار
وعصفور صدري بالقفص ناوي يطير
انضر لوجه الغيم ثم شوف وش صار
تلقى عيوني تبكي / بدمعها . . مير !
افتح يدينك واحضن احساس الأنضار
لم الدموع اللي لها 1000 تفسير !
مبشع غيابك / بس ياقو . . . الأقدار
وقلب العنا : سلطن وغنا [ مقادير ]
تعال غني للمطر . . بعدنا / جار !!
بقلوبنا . . . لو فرقتنا / المشاوير !!
خليتني مرمي على جال الأشعار !!
واصـبحت شـاعر صفـقوله جـماهـير !
وكل حرف غنالك من الحزن ينهار
والله وكيلك خنت . . . كل التعابير !
جانا المطر وغيابك / يزيد باصرار
ومال المطر في غيبتك .. أي تأثير
وحيد وامشي بالمطر تحت الاشجار
ومع كل قطره انحرق شوق وأغير !
اجواء غير وبرد وغيوم . . وامطار
وانا وحيد . . بغيبتك ماني / بخير !!
رد مع اقتباس
'
المشاركة الأصلية كتبت بواسطة رايق البال
