كلميني .....
كلميني .. ليه صرتي في سكوت
ليه صمتك؟ لو تسمينه زعل
حتى ابتسامك انتهى بين الخفوت
ولا عيونك بين اشواق و خجل
ياشمس ليلي ظلمت فيني البيوت
وتاه شوقي والقوافي والغزل
أشتاق صوتك .. همستك ..لو دون صوت
وابعثيني ..وازرعي فيني الامل
لجلك اموت في كل ساعة وما اموت
ما دام نبضك في فؤادي يختزل
علميني ..قبل ما عمري يفوت
وينتهى بعدك تصاريف الاجل
سارت حياتي في نسيج العنكبوت
شبه الصحاري وكانها بيت النمل
يا للاسف وحدي انا اشتاق موت
و انت الامل لما يراودني الملل
كاني غريق (ن) صابر(ن) في جوف حوت
وش حيلتي .. والنور من ليلي افل
بستان عمري بين زهره وبين توت
واليوم بعدك .. يا غلا وردي ذبل
بس كلميني.. وكسري صمت السكوت
ولا ادفنيني .. بين رمشك والمقل
كلمات / ناصر الضامري
رد مع اقتباس
المشاركة الأصلية كتبت بواسطة البارونة أسيل
