أحب الصاحب الصادق صدوق ولا يلف يدور
ولا ابغى من يقول الكــذب ثم يــدور الاعــذاري
ولا ابغى من صديقي شي لو عنده فلل وقصور
تكفـيني هــلا يا مرحبـا مـــع بن و بهــــــــاري
ولا جيته ولا جاني يكفي بيننا الميسور
فوجه الرجل اعرف القدر ما فـالبطن مقــداري
أحب الهين اللين وعندي كره للمغرور
وعـندي كـره للي صنعته في نـقل الاســـراري
ما أحب المشي فالظلمى و أحب المشي وسط النور
عشان اعرف طريقي وين يمنايه من يســـاري
أحب الطيب و أهل الطيب لو هو من بعيد أقطور
ولا أحب الرداء وأهل الرداء لو كان فحضاري
و أنا لاخترت لي صاحب على الصاحب ماني مجبور
تخيرته لو انه من بعيد الأهل و الـــــــــــداري
أنا بويه موصيني يا عله ذنبه المغفور
عسى ربي يجيره من عذاب القبر و النـــــاري
يقول الكل ناس احذر تلاقي كلبهم مسعور
يهوهي دونهم لتكون ذاك و جاتك أخبــــــاري
وخلك بينهم في و اجباتك كنك الدكتور
تعالجهم و من يصعب دواه اكوه بمسمـــــاري
و حنا غير كل الناس دين الله لنا دستور
موصينا نبي الله بحق الضيف والجـــــــــــاري
خوي الجنب جار الطنب له حشمة وله مقدور
ولنا فنويشي الحربي مثل في مثله انبـــــــاري
نصون العهد نوفي الوعد و لا نكشف غطاء المستور
و نستر ما نشوف من العيوب وربنــــــا داري
و نؤمن بالقدر عند القدر ما ينفع المحذور
و ما قدر يكون يكون و أمر الله هو الجــــاري
و لا بد الذي يطلع له بعد الطلوع احدور
رضي ولا زعل لا بد لطالع من احــــــــــداري
و أنا لا قلت هذا القول كان القول فيه قصور
و لا يكمل يا غير إلا كلام الواحد البــــــــاري
وعسى ربي يوفقنا نطوف أبيته المعمور
و يغفـر ذنبنــا وهـو الـذي للذنب غفـــــــــاري
و صلاة الله على محمد نبي الأمة المذكور
عدد ما لاح براق وعدد ما يسري الســــــاري
رد مع اقتباس
