رفع زوج دعوى تطليق ضد زوجته؛ بسبب تعودها على كلمة ” حبيبي ” ، مؤكدًا أنها تقول هذه الكلمة لزملائها في العمل.
وقال ناصر صاحب الـ31 عامًا في دعوى الطلاق التي رفعها ضد زوجته ياسمين أمام محكمة الأسرة في مصر الجديدة بالقاهرة: ” كل ما تكلم واحد زميلها في الشغل تقوله يا حبيبي، ونبهتها أكتر من مرة وأنه دي مش تربية، بس مسمعتش الكلام وقالتلي بلاش تخلف دي مجرد كلمة أنا متعودة أقولها ” .
وأكد أنه حذرها أكثر من مرة من تعديل تصرفاتها تجاه زملائها في العمل وأي رجل غريب، لكنها دائمًا ما تتمسك بهم تحت مسمى أصدقاء دراسة أو زملاء عمل فقط، كما طالبها بترك العمل لكنها رفضت بشدة.
وعلق ” حاسس إني عايش مع واحدة تانية غير اللي خطبتها واحدة جايه من أوروبا، وقولتلها منعا للمشاكل سيبي الشغل وإحنا مش محتاجينه، رفضت بشدة وقالت أنت مش من حقك تمنعني إني اشتغل ودا مستقبلي اللي أهم منك ” .
وأضاف ” إحنا مصريين وعندنا عاداتنا اللي مفروض أهلها روبوها عليها، المفروض أمها كانت علمتها يعني أيه زوج وحياه أسرية وازاي تحافظ علي بيتها ” .
كما أشار إلى وجود خطوط حمراء لا يجب أن تتعداها الزوجة مع زوجها، فبغض النظر عن الزمن فالأصول والدين والعادات والتقاليد واحدة لا تتغير، قائلًا ” مهما كان الزوجة مينفعش تقول لزميلها يا حبيبي قدام زوجها مفيش شرع ولا دين ولا حتي أخلاق تسمح بكدا ودا إن دل على شيء فبيدل علي البيئة اللي إتربت بيها ” .
رد مع اقتباس
المشاركة الأصلية كتبت بواسطة اموووره
