شـكـواي لـلـه ما لـغيره شـكـاوي
هذا ولا لي غير مولاي معبود
يـارب انـا في ظـل خـيـرك غـناوي
لا جاحدٍ فضلك ولا منكرٍ جود
وقـفـت في بـابـك ذلـيلٍ وطــاوي
وانت الكريم ومن ترجاك موعود
إدمح خطاي وزلتي بالـخـطـاوي
ينزاح عني هم الايام والكود
انـا جـيـتـك يـا مـجـيـب الـرجـاوي
يامصرّف الاقدار والنقص والزود
تذهل الى فكيت باب الـعـطـاوي
شانك عظيم وشان الاجواد محدود
تـعـطـي ولا تـثـقـل عليك المناوي
انت الذي بحرك غزيرٍ وممدود
يـارب انــا مـا نـيـب كـانـز وحــاوي
ولا رجدت المال في البنك مرصود
انــا طـلـبـتـك لـلضـعيـف السحاوي
اللي الى جا خالي اليد محدود
وإلا لـمـديــون دهـتـه الــدعـــــاوي
غارم وفي سجنه من سنين مقيود
وإلا عـــجــوزٍ مـــالـهـا مــن يــداوي
جرح الزمان ودمعها شقق خدود
إلا مـريـٍـض عــارضـتــه الـبــــلاوي
ضاقت به الدنيا مواعيد ووعود
وإلا عـــزيــزٍ ذلْ عــقـب الــهـقـاوي
يمشي مع العالم ذليلٍ ومضهود
وإلا خـــوي لــي نـخـيـتـه فــداوي
إلى زهمته قام بالعلم ويزود
حــنـا عــبـيـدك وانـت قادر وقـاوي
خيرك عميم ومن فضل جودك نجود
يــارب انـا لـي نــفس حـر نـــداوي
ماترغب إلا المنزل الشاهق الطود
وانت الذي تـطفي ظـما كل ذاوي
وانت الذي لو تمنع الغيث محمود
في لمح طرفة عـين تفقر غــناوي
وفي لمح طرفة عين تغني لك بدود
حـياض غـيرك صـبر والـصبر زاوي
وانت الذي حوضك زلالٍ وقرهود
ومـدات غــيـرك ذل والـذل كــاوي
وإلا انت ذلّك عز يااعز مصمود
لـك الـثنا والـحمد ظـامـي وراوي
ما حنت الورقا على غصن وفنود
رد مع اقتباس
!
المشاركة الأصلية كتبت بواسطة رايق البال
