الشوارع وين تاخذنا ولوين ..

[ثابت الخطى]

الشوارع وين تاخذنا ولوين ..
في ظلام الليل نمشي ف الظلام
راحلين بكل مافينا حنين ..
خانقين الحس وانفاس الغرام ..
يالشوارع دثري حزنن دفين ..
في خفايا النبض حبن مستهام
داثرينه من سنين ومن سنين ..
ليش يطلع والصمت اصلا كلام
ليش يادنيا علينا تبخلين
ليش كاسك مر واحظانك حطام
ليش اوجاعك تزيد وتذبحين
ليش نيرانك وحيطانك ملام
لي متى ببقى انادي كلمتين
غص صوتي والحكي اصلا حرام
موجعه هذي الاماني للأنين
موجعه هذي المرافي يا ( سهام )
طال بي هالليل وانتي تذرفين
فوق همي هم و احلامي انفصام
صرت ما افهم شعوري واليقين
اني ذابحني شعورٍن لا يرام
اني خانقني الغياب و دمعتين
دمعة امـي ودمعتي يوم الخصام
راحله يا ذي الوجوه العابسين
راحله في هالشوارع والزحام ..

من ما راق لى

[حبي خالص]

انتقاء جميل أخي
يعطيك ربي العافيه

[عملاق الشعر]

ثابت

الله عليك وعلى هالذائقة الرائعة
نص راق لي جدا


سلمت يداك المبدعة وذوقك الراقي

[الشيخه الفلانيه]

نص جميل ،
يعطيكك العافيه '

[ابو فرح]

" ثابت " الله عليك
اختيار موفق .. رااق لي
يعطيك العافية

[ثابت الخطى]

انتقاء جميل أخي
يعطيك ربي العافيه

ويعافيك ربى اختى الكريمه
كل الشكر لك

[ثابت الخطى]

ثابت

الله عليك وعلى هالذائقة الرائعة
نص راق لي جدا


سلمت يداك المبدعة وذوقك الراقي

حياك الله استاذى الكريم كل الشكر والتقدير لك
مرورك اسعدنى وشرفنى

[ثابت الخطى]

" ثابت " الله عليك
اختيار موفق .. رااق لي
يعطيك العافية

حياك الله استاذى الكريم اشتقت لك
ولطلتك البهيه
لا خلا والا عدم

[نوارة الكون]

سلمت يمناك اخوي اختيار جميل ربي يعطيك العافيه

[ثابت الخطى]

سلمت يمناك اخوي اختيار جميل ربي يعطيك العافيه

مرورك الأجمل اختى نواره
ربى يحفظك