يا عمري الدّنيا ما تسوى تنام وخاطرك زعلان
ولا بي شي يستاهل يخلّي قلبك يعاني
طلبتك كان لي خاطر تبعد عنك الأحزان
فديت عيونك الحلوة تبسم لو على شاني
حبيبي صار لي مدّة أشوفك تايه وحيران
وأنا والله لا شفتك حزين تزود أحزاني
أنا أحبّك ولا ودّي تعيش بدنيتك ندمان
ترى الأيّام محسوبة وتالي هالعمر فاني
تصدّق بسمتك والله تفرح خاطري الولهان
يطير من الفرح قلبي وأصير بعالم ثاني
والى من شفتك بضيقة أحس إنّي أنا الغلطان
أعاتب نفسي بنفسي ولو ما كنت أنا الجاني
غلاك بداخل عروقي ولا يوصل غلاك إنسان
يمرّ الوقت ويثبت لك غلاك أن الله أحياني
أضحّي بعمري لعيونك تنام انت وأنا سهران
ونادي جروحك لقلبي تجي واحد ورى الثّاني
رد مع اقتباس
