جيتك وكلي (شوق) ودي بلقياك
وياللأسف منته عن الشوق داري
تقبل وتقفي كن ماحد وياك
وتشب نار الشوق وتزيد ناري
يعني عشان اني اعزك واهواك
ماعاد تذكرنا ولا فيه طاري
وشفني عجزت اطنشك واتناساك
لن الغلا ياصاح ماهو اختياري
من بد كل الناس قلبي تمناك
وماهمني منهو يميني ويساري
لا مالقيت الي مثيلك وشرواك
متميز بوصفك ولاحدن يجاري
دامك اصيل مأصل(ن) طاب ممشاك
والغير دونك يابعدهم تجاري
انته مليك بهيبتك لا عدمناك
وباقي الملا في ذمتي لك جواري
صعبة على انسان يعشق ملاك
الا أنا قد خزت بك يالعذاري
حبك تملكني من ادناي لاقصاك
واصبح لهيب الشوق مصدر حراري
يعني تخيل اني اقول بنساك
بالحلم وافرض ان هالبعد ساري
بفز من نومي واجي واترجاك
وابدا اقدملك جزيل اعتذاري
هذا وهو بالحلم عجزت انا اجفاك
عهدً علي ماانساك وهذا قراري
جيتك من الاشواق ودي بلقياك
علك عن اشواق الغلا حيل داري
قصدي غلاتك ياحياتي ودنياك
ليتك تحس وتكترث لانتظاري
رد مع اقتباس
المشاركة الأصلية كتبت بواسطة ثابت الخطى
'
♡