هذي احدى روائع الشاعر فهد المساعد
اذكريني ..لا لمحتي في ليالي البرد نار
قبل أسافر كنت جالس في زمان الانتظار
ارتشف هم المكان وكل همي حاجتين
كنت خايف من يباس وكنت خايف من خضار
كنت اخاف انك تجين وكنت خايف ماتجين
لين شفتك من ورى بيبان صالات المطار
مقبله من كثر شوقك كنت اشوفك تركضين
مرة ركضك يمين ونظرة عيونك يسار
ومرة ركضك يسار ونظرة عيونك يمين
تايهه ماكنك الا ضحكة وسط أنكسار
ساكنه ما كنك الا دمعة فيها حنين
خايفه وجله حزينه ..يعني كنتي باختصار
تشرحين لكل جاهل معنى كلمة عاشقين
بعدها جيتك ولدت عينك ودار الحوار
من كفوفي دمعتين ومن كفوفك دمعتين
كنت اصد وكنت انت ثايره مثل الشرار
ماعلى لتغة لسانك غير كلمة (وين ؟ وين؟)
واذكر اني رحت قبل ابديلك اية اعتذار
رحت حتى فبل اطيب خاطرك في كلمتين
لكن انت عارفتني زين واللي صار صار
سامحيني واذكريني قد ما انت تقدرين
اذكريني لا انتهت للشمس رحله مع نهار
واذكريني لا صحى للصبح ورد وياسمين
واذكريني لا لمحتي في ليالي البرد نار
واذكريني لاسمعتي للمطر صوت حزين
اذكريني واذكريني واذكريني باختصار
اذكري فهد المساعد قد ما انت تقدرين
رد مع اقتباس
المشاركة الأصلية كتبت بواسطة اميرة الروح
