هلا بالجميع ..
من جديد نلتقي واتمنى ماراق لي يروق لكم ..
تعبت أدورك في قلبي وفي صدري
سنتين لكن في قلبك لهم طاري
يا قلبي اللي ولاهو قابل(ن) عذري
وسنيني اللي ولاهي قابله أعذاري
لاجيت أبحسب سنين العمر ياعمري
تلثين عمري طواهن درب مشواري
لا قلت الايام راحت قال لي بدري
وان قلت الايام تركض قال انا داري
انا ادري انك واعرفك موعلى خبري
وانا ادري انك ولاتحرص على أخباري
شلي خذيته من سكوتي ومن صبري
في بعض الاحيان صبري هو سبب ناري
ما يسمع الصوت من هو ما درى بأمري
ولو ارفع الصوت وأهيجن وأنشد أشعاري
اللي خذاني وأخذ روحي وهو يدري
مع مر الايام تغير وأنكر أسراري
ما كنه اللي يحط راسه على صدري
وما كنه اللي بكى من شان مسياري
وما كني اللي كتبته في وسط شعري
ولا كني اللي أغنيله حزن ساري
ما يكسر قلب الا ويسكنه جبري
أنا تنازلت عن جرحي وعن ثأري
طابت مساءاتكم ..
اخوكم / رايق البال
رد مع اقتباس
المشاركة الأصلية كتبت بواسطة الليدي بسمة
