هب الحبوب وهب نسناس الافكار

[نوارة الكون]

هب الحبوب وهب نسناس الافكار









هب الحبوب وهب نسناس الافكار
ودك الخفوق الي عن الفرح صايم


يجول فكري في تصاريف الاقدار
شي يجيك ولوهو مع الغيم حايم


وشي مسكته وطاح في غبة الغار
سبحان من قسم لخلقه الغنايم


وعزاه يا قلب على الضيم صبار
لا طاح عودي يكثرون الخصايم


ما دام رجلي دربها درب الاخيار
ماهمني قول من الناس لايم


ما ضر من بين عداوته باجهار
لو هو يبي موتك وشد العزايم


بلاك من الي يخلط الشهد بالقار
افعال افعى ويقرصك وانت نايم


حلو اللسان ومنبته طينة امرار
باعك على من جاه شاري وسايم


والي عزيز الخير ومامنه اضرار
لباك لا ولمت صحن الولايم


مثل السحاب الي شحيحه بالامطار
تاقيك حر الشمس ولا هو بدايم


دار بها عيني وقلبي لها زار
والفكر في ذيك المرابيع هايم


ما اقدر على فرقاه وتلمس اخبار
وجاني على طاريه عذب النسايم


تلمس بياض الثلج وينبت بنوار
ويشرق ثنايا مبسمه جو غايم


نجل العيون الا بكت تفضح اسرار
سر الغرام الي بقلبي ردايم


نبضة خفوقي تحرق النار بالنار
من ونتي جاوبت ورق الحمايم


لولاه شي حدنا دون نختار
و صارت الفرقا علينا لزايم


نعيش في جنه ورى باب واسوار
وقلبي وقلبك في المحبه توايم

[نسر البوادي]

الله الله عليك نواره ابيات غايه في الجمال كحضورك اختي تسلمين ياذوووق

[نوارة الكون]

الله الله عليك نواره ابيات غايه في الجمال كحضورك اختي تسلمين ياذوووق

كل الشكر لك اخوي اسعدني مرورك


ربي يعطيك العافيه

[مجنونك ما يخونك]

[ツઇ قلبٓ طِفلَةّ ઇ]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

[الشيخه الفلانيه]

،







قصيدههء جميله ;
كُل آلششكرْ عَ آلأنتِقآء
يعطيكِ آلله آلععآفيهً !

[الرميثي]

نص رائع
يسلموووو اختي ع الكلمات الراائعه ..
يعطيك العاافيه

[رايق البال]

هلا فيك نواره ..
نص واختيار جدا راقي واحييك على هذا الابداع
الف شكر لجهدك واختيارك وتفاعلك الجميل
طابت لياليك ..

[نوارة الكون]

كل الشكر لج غاليتي اسعدني مرورج


ربي يعطيج العافيه

[نوارة الكون]

السّلامُ عَلَيكُمْ
كَنَتْ هُنَا .. وَاِسْتَمْتَعَتْ بِهَذِهِ اللَّوْحَةُ الشِّعْرَيَةَ الْفَرِيدَةَ مِنْ ذَوْقِك
دَامَ نَبْضُ ذَوْقِك
لِرَوَّحَك البَيِلَسَانْ

كل الشكر لج غاليتي اسعدني مرورج


ربي يعطيج العافيه