ما كل من يضحك بدنيـاه مسـرور
لو ضحـــــكته دايـم تحــــرك حـجاجـه
وما كل من يبكي من الناس مقهـور
بعض الدموع رخاص من شان حـاجه
وما كل صادق لو حكا لك من شعور
يا كثر من زيف المشــــــــاعـر خراجـه
وما كل ما يخفا من السـر مستـور
بعض الوجــيه ابين من ارهــف زجاجه
وما كل بيتٍ بابه انصـك مهجـور
كم بيــتٍ اطفا الشـــح واهـج ســراجـه
وما كل وردٍ تزرعـه ينثـر عطـور
لو ماه صـــــــافي مـا يخالـــــــط هماجـه
وما كل مرهف قلب لو يزرع زهـور
قلب يحــــــب الورد وهو مثــــــل صاجـه
وما كل من يخطي من الناس معذور
البعـــــض يخطي من علــــــوم العـواجـه
وما كل من يسكت على الظيم مجبور
لجـل الغـــــلا ساكت ويدعـي انفـراجـه
وما كل راسٍ ضيع الفكـر مسحـور
كم راس ســحر الحب جاب ارتجـــــاجـه
وما كل علـه فادهـا طـب دكتـور
كم من علــيلٍ وصـل خلــــــــه علاجـه
وما كل من شاور حكيمٍ خذا الشـور
بعض الـــــبشر مـا يقنـع الا مـــــــزاجـه
وما كل من سمي صقر يشبه صقور
كم من صـــــقر وقت الشدايـد دجاجــه
انا اشهد...
رااقت لي فنقلتها لكم..
مودتي
رد مع اقتباس
المشاركة الأصلية كتبت بواسطة اميرة الروح
