ماني على كثر الضياع انا حزين
انا حزين لكثرة اسباب الضياع
مثلي مثل مجداف تبحر به يدين
ماجف من راحاتها دمع الوادع
مثلي مثل ناي انفطر صوته حنين
بيعود لاعواد القصب ولا استطاع
مثل الحديث الي نسوه العابرين
وملح العتب فـ عيون الاطفال الجياع
رايح ولا ادري وين انا واروح وين
ضاقت على خطواتي الارض الوساع
مافيه باكر وانتظر باكر تزين
العمر يوم لا انتهى باكره ضاع
ياطير ياللي في قفص صدري سجين
مااظن باقي بعد هالفرقا . . اجتماع
قـم نطوي الليلة وجوه الراحلين
وننسى الوادع الي قبل دمع الوداع
وقل للضياع وللحزن اللي سنين
كانو معي في كل ارض و كل قاع
اليوم يمكن ابتسـم . . لاني حزين
اكثر من الحزن ومن اسباب الضياع
رد مع اقتباس
