من أكون , ما عرفْني
منهو منْكم : - شافني مره وعرفّني
يمّكن أني خوف , يمكن أني دمع والواقع ذرفني
هذا أنا عايش على / يمكن سنين ,
ما بقى بي صوت ,يعزف للـ أنين
كل حلم , يمر فـ الشارع , إيّ تعداني ويبّعد , ماعرفّني
ما الومه ..
حتى أنا
دايم أسألني , منْ أنت !
إي تذكرّتني/ كنت :
مو حزين ! وكنت أكثر من حزين !
........... كنت مثل البرّد .. في وقت , الوداع ,
كل ما حاولت , أضحك لـ السنين
........... جااا يناديني من الظلّمه / ضياااااع !
وين أروح , وكل خطواتي حنين
........... البحر , كم مات في وسطه , شراع
هذي الرحله , مع خوف وأنين
........... هذي الرحله , بلا ( قلب ومتاع )
جيت أسافر , بس ما أدري لـ وين
........... جيت أدوّرني وسط هذا الصراع !
ما لقيت الا , سجين , ومو سجين
........... ضاعت أحلامه على أرضه وضاع
يا حزن .. ما كنت أنتظرك .. منين !
........... جيت لك , مع كل دمعه / بأندفاع
لو قدرت أسكت مع اللي ساكتين
........... ما قدرت الّبس عن الغربه : قناع
المدينه صوتها , مده , رهين
........... تتسع بالخوف , ضاق , الاتساع !
المدينه صوتها , مده , رهين
........... ما خلق هالكبّت غير .. الانصياع
ما يطيح الدمع ! طيّحي له يا عين
........... والله أني كنت .. وافي .. للنخاع
آصعب مّن الموت , عندي حاجتين :
........... الرحيل , بـ خطوة الرّجل الشجاع
ما يموت الشك , الا باليقين
........... أرّتفع يا صوت لـ أبعد .. أرتفاع !
وين آبلقى , داخل الدنيا أمين
........... كل حاجه , في نهايتها .. خداع
قوم يا جرحي , بـ نضحك للسنين
........... حتى لو نآآدى , من الظلّمه ضياع
رد مع اقتباس
!
المشاركة الأصلية كتبت بواسطة شذى آلخزآمى
