يسعد صباحكم / مساكم
هلا بالجميع ..
اتمنى ان يروق لكم اختياري ايها الاحبه ..
ما زلت أتنفسك وما زلت أحتاجك
وما زال حّسك معي يالقاطع الناسي
ما زلت في الذاكرة من يطفي سراجك
من يوهم الليل واحزاني وحراسي
ومن يقدر يطول قلبي عرشك وتاجك
لو شاف تتعب عيونه يا بعد ناسي
ولو كنت تفتح اذا تشتاق ادراجك
بتشوفني هناك مع حبري وقرطاسي
ما انكر اني وانا في صلب منهاجك
كنت املأ بالحب والتقدير كراسي
واروي من عيونك الخجلى من حجاجك
كل التفاصيل لين تفيض من كأسي
يا مزعل الغيم من حسنك وديباجك
ما جيت لك غير ظامي منكشف رأسي
أحمل على كتوف صبري سلة احراجك
وارمي بها في غياهب دافي احساسي
لين اقنعك انني مازلت محتاجك
واتنفسّك في الغياب وحضرتك ناسي
طابت صباحاتكم ...
اخوكم / رايق البال