حاولت أعدل بك وزوّدت مايلك
تخطي وانا أعذر لين خلصت الأعذار
صحيح من يفعل معك طيب يملك
بس انت ماينفع معك طيب ووقار
بيّنت لو إنّك مخفّي عمايلك
الشوك ما يجمع مع الورد بالدار
أسمع وأنا ادري كلمة الحق تزعلك
ماكل رجل (ن) لاحمل طير صقار
لاترخي آذانك على من يجاملك
واتشوف نفسك من طويلين الأعمار
صديقك اليا أخطيت وقّف وقابلك
وعدوك اليا اخطيت من فرحته طار
غيمة دنانييرك ترى ماتبللك
ماكل حاجه تشتريها بدينار
لا تحسب أسمك لا تمايلت عدّلك
أفعل وتلقى لك مع العالم اخبار
مو ذنب جدانك تحمّل فعايلك
أسمك كبير ولكن فعولك صغار
يسترك حظك من مطيحك ويحملك
وإلا إنت ماتسترك طاقات الأمتار
توّك على درب المعاسير بـ أوّلك
ماعشت ربع اللي نعيشه من أضرار
تنام وكفوف الحبايب تدلّك
وغيرك ينام بماي مقري مع أذكار
الوقت داراك بيدينه ودللك
لاشك مادارت دواليبه وجار
صبرك على ضيم الليالي يجملك
وصبرك على ضيم الرجاجيل من نار
لاتغرك الدنيا والأيام تعجلك
كل دمع قبله ضحك من خلفه اسرار
أقولها بوجهك ولاني مجاملك
العيب مثلي يلحق الرايح غبار
رفعت قدرك فوق واغراك سافلك
ماللعمد من بين الأرماح تجار
وش عاد لو زيّنت سطرة معاملك
ضيّقت صدرك لو دواوينك كبار
عدّت مسايير الأجاويد منزلك
من عقب ماكانت مساييرك كثار
رد مع اقتباس
