تدرين وش سر الحكاية..؟
الوقت يمر ولكل شي لابد نهاية....وحنا قربنا من النهاية...
ومالك عذر...!!
وهذي فلسفة القدر...
وما من مفر..!.
غناتي...
أبسألك..
إذا جا يوم وكل التهى بوقته..
وغرق في صمته..
.بتذكريني..؟
بوسط ضجة أنينك....وزحمة سنيني...
وطوفان الفكر..
بتعرفيني..؟
إذا جا يوم والتقينا..
مثل كل البشر...
بطرفة جفن...
لمحة نظر...
كلمة بسطر..او حتى مجرد أسم وعلى بالك خطر..
بتعرفيني..؟
إذا ضاعت أوراقي... واتكدست في أرشيف الزمن..
وجف الحبر..
بتذكريني..؟
إذا في يوم خانتني حروفي..وتاه الفكر..
وارتعشت الأطراف مني...
وغزا الشيب مفرقي..
وانتصر...
بتذكريني..؟
إذا هلت الدمعة من عينك...فديت عيونك..
.من القهر..
بتذكريني..؟
وإذا ما لمتك فرحة..بعد فرحة...وهذا المنى..
وعم البشر..
بتذكريني..؟
وإذا ماغيبني الثرى..وجاك الخبر...
من أية جريدة..أو منتدى...
فلان توفى..
وفلان مفقود في أهله...
وواحد منتحر..!
بتعرفيني..؟
وإذا غاب القمر..
والصدق أصبح في خطر...
والشاطيء اللي قد جمعنا.... أصبح مستعمرة....
لأنذال البشر...
بتذكريني..؟
لكني بذكرك..
لأن بصفحتي..
مكتوبة في اللوح المقدس..عند مليك مقتدر...
إني بلتقيك بيوم ياأغلى البشر..
كيف اللقى..؟ماادري..لا تسأليني..!
لكن اللي أعرفه..
أن روحي ألتقت روحك...من غير ماتدري..!
من بين كل هالناس...
وسط زحمة هالبشر..
واتعانقت الأرواح..وتواعدت في صمت..
واستسلمت للقدر....والصبر..
لكن..وبعد هذا كله..
بتذكريني..؟
رد مع اقتباس
!
المشاركة الأصلية كتبت بواسطة حبي خالص
