الله يسامحها كثر قدرها فيّ ..
الله يسامحها كثر قدرها فيّ ..
والله يسعدها كثر ماحْزنتني
اللي كوتني فوق كيّ الزمن كيّ ..
زودٍ على كسْر الزمان كْسرتني
أحبها حبٍ غوى أجمعي غي ..
عن كل شيخات الحسن مشغلتني
لا نورة ونجلا ولا نوف أو مي ..
هي وحدها من بينهن مالكتني
لا مثلها روحٍ ولا زيّها زي ..
متميّزة وبْميزها ميّزتني
من وين ماوجّهْت كل الجهة هي ..
أشواق روحي صوبها وجّهتني
كانت لي حلمٍ عن سموم الدهر فيّ ..
واليوم في أقسى الظروف خْذلتني
راحت مثل أمسٍ طواه الدهر طي ..
وحزني لفرقاها حزن شلّ متني
لا حاملٍ شرهة ولا بخاطري شي ..
نفسي على طيب النفوس حْملتني
صارت لي ماضي وإن بقى قدرها فيّ ..
وادعي لها بالسعْد وإن حزّنتني
راقت لى واتمناها تروق لكم
رد مع اقتباس
المشاركة الأصلية كتبت بواسطة أميرة الذوق^^
