ياضيقة الصدر طالبك تكفين
ياضيقةٍ بالصـدر طالبـك تكفيـن
عني تخلـي وابعـدي واتركينـي
روحي تري بالصدر مثل السكاكين
زودٍ علـى هـمٍ. قديـمٍ دفيـنـي
تكفين حسي الياذرفت دمعي العين
حسّي بعبراتي وحسّـي بونينـي
صرنا انا واياك بصدري خشيرين
.وصارت علاقة ود بينـك وبينـي
جسمي نحل ارجوك مافين يكفين
خليني احيا ما بقى مـن سنينـي
الشعر يكتب في غرااام المحبيـن
وانا اكتبه لاجلك عسـى تعتقينـي
وياصدري الصابر الا يامسيّكيـن
اصبر ترى للصبر حـدٍ وحينـي
يزول همي وابقى وايـاك حييـن
والا نموت ويقضي الهـمّ فينـي
وترتاح مني ضيقةٍ بي لها سنيـن
وتبقى لنا ذكـرى كتابـة يدينـي
وان مت انا ياضيقتي لا تموتيـن
ابقي على مـر السنيـن اذكرينـي
الوقت يشهد والليالي هـي العيـن
اللي تشوف شلون قسوتك فيني
رد مع اقتباس
المشاركة الأصلية كتبت بواسطة مجنونك ما يخونك
